Yohane 1 2:13 - Katɔti Ɔku Kedee

¹³ Na amii bati ni, muunweni-mii ɔmɛni ɔsika mɔɔwia ka bɛti ka bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔmɛni ɔsika mɔɔwia ka bɛti ka bɛ́di ukisine ɔmmɔ lɛlɔ. Na amii, mina bebi bayɔne ni, muunweni-mii ɔku ɔmɛni ɔsika bɛ́ɛti Katɔti.

Yohane 1 2:13 ပူးပေါင်းရင်းမြစ်များ

Kɔgya 148:12

ku bakloƒu ku begblebi, banana ku beleku ku banamu ƒui, bimwi Unwoti Katɔti lɛnyi.

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Kɔgya 91:14

Katɔti ɔnini, “Ukyuli ɔni mɔɔyɔ́-mi na ɔ́nu-mi ɔ́ti ni, ndubɔgyumana-nwu na lɛƒɔ-nwu ngba.

Agba 20:29

Bakloƒu ɔyikun ndi bana bukeye. Na benengu liliƒuala mɔɔtina bana lɛnunda bukeye na ala ani bánu dii ɔsu.

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Mateo 13:19

Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Mateo 5:37

Bɛya na bina ɛɛn ɔbla ɛɛn, na bina oowo ɔbla oowo. Si bíti lɛla bamba bíbunku ɔmɛni lɛlɔ ni, na ɔmmɔ ɔdi ukisine ɔmmɔ ablala.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 14:7

Na si bɛgyi-mi sɔsɔ ni, bɛdubɔti mina Ɔti lɛnɔ. Anwuɔsu ɔƒɛni ni, bɛgyi Katɔti ɔmmɔ na bɛ́ɛnu-nwu lɛnɔ.”

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 8:19

Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Timoteo 1 5:1

Tadɔnku ukyuli ɔni nábi lɛlɔ utulo-ɔ momoomo. Mmomu die ala kalɔ te-nwu ku kayi buɛɛ aani ƒula ɔti kalɛ. Na ada bakloƒu aani banwani kalɛ.

Tito 2:6

Ulu ɔmɛni kani lɛlɔ na ɔlɛka eti akya bakloƒu lɛnɔ ɔkplu kalɛ na bada lɛlɔ kaduɛ.

Yohane 1 1:1

Katɔti ngba litemi ndi anwu ɔni nkya ɔ́si kayawi kalɔ kesekɔ. Na ngba litemi lɛmmɔ lɛsa na bɔɔkɔ́. Búnu-nwu ala bɔsu na bɔ́nu-nwu ku anumi. Na sɔsɔ ni, búti bula enu bútuku-nwu. Uwi ɔni na ɔ́da ɔ́lɛ ni, abu bɔ́nu-nwu bɔ́ti.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 1 2:12

Mina bebi bayɔne, muunweni-mii ɔmɛni ɔsika mɔɔwia ka bɛti ka Katɔti úti bina ekpidi ɔ́kyiɛ-mii na Yesu Kristo ɔsu.

Yohane 1 2:14

Amii bebi bati ni, muunweni-mii ɔku ɔmɛni ɔsika bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔku ɔmɛni ɔsika bibo ɔyikun na Katɔti litemi lɛmmɔ lɛ́ƒɔ-mii lɛlɔ kemmo, na bɛ́ɛdi ukisine ɔmmɔ lɛlɔ.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”