Yohane 1 2:12 - Katɔti Ɔku Kedee

¹² Mina bebi bayɔne, muunweni-mii ɔmɛni ɔsika mɔɔwia ka bɛti ka Katɔti úti bina ekpidi ɔ́kyiɛ-mii na Yesu Kristo ɔsu.

Yohane 1 2:12 ပူးပေါင်းရင်းမြစ်များ

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Luka 5:20

Na ka Yesu ɔ́nu bana bɔƒɔtaadi ɔsu ni, ɔ́su ukyuli ɔmmɔ ɔnini, “Ɔnana, ákɛ ƒula ekpidi buti taakyiɛ!”

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Batalane Kabla 13:38

“Banwa, binu! Na Yesu ɔmɛni lɛnyi kemmo ni, Katɔti ɔdubuti bina ekpidi ɔkyiɛ-mii.

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Koloseƒuɔ 1:14

Na anwu náƒɔ bula ekpidi lili kayu na bɔ́kɛ bula ekpidi buti taakyiɛ.

Yohane 1 1:4

Buunweni-mii ɔmɛni kalɛ na bula ebiti edu-bu ɔkwɛ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 1 2:21

Ńtenweni-mii ɔmɛni ka bɛɛɛgyi litemi geen lɛmmɔ ɔsu, mmomu ka bɛgyi-ni ɔsu. Na bɛgyi lɛnɔ ka ɔkɔ ɔdi ulasi litemi geen lɛmmɔ kemmo.

Yohane 1 2:7

Mina bayɔne, ɔɔɔdi ɔda bubo bɔwɔdi na muunweni lite-mii. Mmomu ɔdi bɔni na bɛ́ƒɔ bɛ́si kalɔ kesekɔ. Ɔda bubo bɔkukudi bɔmɛni ndi lɛla lɛni na bɛ́ka bunu.