Yohane 1 1:7 - Katɔti Ɔku Kedee

⁷ Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 1:7 ပူးပေါင်းရင်းမြစ်များ

Kɔgya 104:2

Na kalɛ na eekeye use aani awu na akya. Na ébimi katɔ áƒala kayaa aani kevo kɔdi kpakplaa kalɛ.

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Kɔgya 56:13

Ɔsika awɔ nédie-mi kɔyu ásiku kukpi kemmo. Na ƒula bukeye bɔɔtina-mi kanyankɔ na ƒula anumi na ntagbanta.

Kɔgya 89:15

Lɛlɔ lɛdubɔyɔ bekyuli bani nánu-ɔ báti lɛni na beedie lɛnu teemwi-ɔ O Unwoti, ɔsika kalɛ na eekeye na bula akɔ mɔɔyá baanu teesie.

Kɔgya 97:11

Bekyuli bani mɔɔdi Katɔti litemi lɛlɔ na baabla ala ulu siin lɛlɔ ni bana kasiakɔ keekeye na lɛlɔ lɛɛyɔ́-ma.

Yesaia 2:5

Israel kadi bekyuli, bibo na bɔsia Unwoti bukeye kemmo.

Yesaia 33:24

Unwoti ɔdubuti bina ekpidi ɔkyiɛ-mii, na ɔdi ulasu ɔnii uuƒi.

Yesaia 6:7

Na úti útuku-mi enyekuli na ɔ́su-mi ɔnini, “Nu, líti ogya lɛƒɛ lɛmɛni lítuku-ɔ enyekuli lɛlɔ. Na ɔƒɛni ni, Katɔti údie ekpidi ƒui na ƒula lɛlɔ.”

Amos 3:3

Nkyuli inyɔ belesie taasala na bana kasusu kalábla kenwi.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 5:4

Ɔsika Katɔti ɔtu ɔdi uubo uwi uwi teebebwiile ntu bɔmmɔ. Na ɔlɛne udeedi ɔni néduo ntu bɔmmɔ kemmo na muna bubwiile kama ni, ɔlɛ ɔni na uuƒi mmɔ ɔɔba-nwu.

Romaƒuɔ 13:12

Usien ɔmmɔ ɔ́ɔvi ɔ́wɔlɔ, na kadi ndaku bugye. Anwuɔsu bɛya na bɔda lɛdisa kemmo ala bɔbla bɔya, na bɛkya kekpo awu ɔni námanku bekyuli bani nkya bukeye kemmo.

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Eƒesoƒuɔ 5:8

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 1 1:5

Na lɛla lɛni na búnu bɔ́siku Kristo ɔmɛni kudɔ na ani na bɔɔyɔ́ ka budie kenye mɛni ni, ani ndi ka Katɔti ɔdi bukeye. Na lɛdisa lɛdi liiibo-nwu lɛlɔ kemmo na ulu biala lɛlɔ.

Yohane 1 5:6

Yesu ɔmɛni ndi Ukyuli Ɔƒunadi ɔni nébo kayawi, na bɔ́nu-nwu bɔ́ti ɔkɛnku ntu bɔkpila ɔdi ɔni na ɔ́ƒɔ ku nwuna ubugya ɔni néwi kalɔ lɛlɔ ɔsu. Na ɔɔɔdi ntu lɛti pɛ lɛlɔ na ɔkɛ úbo, mmomu ntu ku ubugya ƒui lɛlɔ. Na Katɔti Kɔyu muudie-nwu kenye na ulu lɛlɔ. Ɔsika Kɔyu kɔmmɔ ablala ƒui adi litemi geen.

Yohane 1 5:8

Katɔti Kɔyu ku ntu ku ubugya ɔni lɛlɔ na ɔ́sia úbo mmɔ. Na kenye budie ɛtɛ bɔmɛni ƒui buse unwi.

Yohane 2 1:4

Kubiti kɔ́da-mi geen ka lɛ́nu ka ƒula bebi badi bamu basiaku litemi geen lɛmmɔ kama aani kalɛ kani na Katɔti úbo-bu ɔda.

Yohane 3 1:4

Lɛla biala lilayɔ-mi kaƒɔ teetulo ɔni na muunú ka mina bebi basiaku litemi geen lɛmmɔ kama.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.