Yohane 1 1:6 - Katɔti Ɔku Kedee

⁶ Anwuɔsu si bɔnii abu ku-nwu bɔɔdi kɔkpana nsu bɔkɛ na lɛdisa ngba bukpidi bulie kemmo ni, na bɔɔnyi ɔkɔ na bɔɔɔsiaku litemi geen lɛmmɔ kama.

Yohane 1 1:6 ပူးပေါင်းရင်းမြစ်များ

Kɔgya 82:5

“Balalane bamɛni baaagyi lɛla lɛni na baabla na belenu lɛla lɛdi lɛnɔ kalɔ. Lɛdisa kemmo kani na bakɛ bésela. Na lɛlɔ lɛɛtɔ́ kalɔ kemodi kammɔ.

Kɔgya 94:20

Belikplune bani mɔɔdi lɛlɔ ni, awɔ ku-ma biiibo kɔna kɔdi, ɔsika béti ala ani na balábla siin bénwini ɔda bubo bényimi bekyuli.

Agba 2:13

Bekyuli bamɛni udu baada ulu geen ɔmmɔ taava na beeti ulu ukpidi ɔni néti-ma úselaku kasuudikɔ.

Mateo 7:22

Na Katɔti litemi bɔtɛ limeyi ni, bekyuli pii badubɔsu-mi banii, ‘Blɔti! Bɔ́su ƒula kenye na bɔ́gya ayu ekpidi na ƒula lɛnyi kemmo. Na bɔ́bla akɔla budie taatina lidu lidu lɛnɔ na ƒula lɛnyi kemmo.’

Yohane 11:10

Nsu si usien na ɔkɛ bɔdi ni, ɔdubo butulo ɔsika bukeye bɔdi buuubo.”

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Yohane 8:55

Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Timoteo 1 4:2

Bekyuli bamɛni mɔɔtina ɔkɔ ala, na baabɛla ama alati bana likyulikpi, ɔsika bana kayi kaladu-ma kɔtɔ.

Yakobo 2:14

Mina banwa, si ɔdi ɔ́su ɔnii ubo bɔƒɔtaadi geen na uléti-mu taabla kabla kadi ni, na nwuna bɔƒɔtaadi bɔmmɔ udu buuubo kɔsia kɔdi. Na bulakana na bɔƒɔ-nwu ngba lɛnɔ.

Yakobo 2:16

Si éni na étete-ma ala ani na baawia ni, na kɔsia kɔdi kuuubo-nwu kemmo ka asu-ma anii, “Biteesie na Katɔti ɔsiaku-mii. Na bɛdubɔkɛ lɛwu bɛkya na bɛkɛ adila bɛdi.”

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”

Yohane 1 1:10

Nsu si búni bɔnii bútabla likpidi lɛdi ni, buudie-nwu taatina aani ɔkɔ ɔnyine, na nwuna litemi lítáƒɔ-bu lɛlɔ kemmo.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.

Yohane 1 2:4

Si ɔdi ɔ́su ɔnii, “Ngyi-nwu,” nsu uládi nwuna etemila lɛlɔ ni, ukyuli ɔmmɔ ɔɔnyi ɔkɔ. Na litemi geen lɛmmɔ lítaƒɔ-nwu lɛlɔ kemmo.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?