Yohane 1 1:4 - Katɔti Ɔku Kedee

⁴ Buunweni-mii ɔmɛni kalɛ na bula ebiti edu-bu ɔkwɛ.

Yohane 1 1:4 ပူးပေါင်းရင်းမြစ်များ

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yohane 15:11

“Lɛ́ɛsu-mii ala amɛni ƒui kalɛ na ebiti ani na mɔɔkɛ́ ni, amii lɛnɔ bɛkɛ-nya na edu awɔlɔ.

Yohane 16:24

Úti úbedu uwi ɔmɛni kemmo ni, bítakpali-mi lɛnyi bítevele tɔ Katɔti lɛla lɛdi. Bivele-nwu na ɔdubute-mii, na bina ebiti adubudu awɔlɔ.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Eƒesoƒuɔ 3:19

Na bɛnu Kristo bɔyɔ bonwu bɔni kalɔ na ukyuli ulakana bunu bɔwɔlɔ mɛni bɛti na Katɔti ɔƒɔ bina ƒui lɛlɔ kemmo aani kalɛ kani na anwu ɔlati use.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 2 1:12

Mbo ala pii na lɛsu-mii, nsu naaayɔ ka linweni ala ammɔ limene-mii. Mmomu mɔɔwia kuƒi ka libo-mii kudɔ na bɔtɛmi anumi ku anumi kalɛ na bula ebiti edu-bu ɔkwɛ.