Yohane 1 1:3 - Katɔti Ɔku Kedee

³ Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 1 1:3 ပူးပေါင်းရင်းမြစ်များ

Hiob 13:1

“Ala ani ƒui na bɛ́ka mɛni ni, adi átabɛ-mi. Lɛ́ɛnu, na línu-nya ƒui, na ngyi-nya kalɔ lɛnɔ.

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Kɔgya 22:22

Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui akɔ.

Yesaia 66:19

“Ndubo akɔla budie taatina ala bɔbla na lɛtina-ma mina ɔyikun ɔni na mbo na bani nébu beli na bana akɔ ni, ndubuti-ma limene Tarsis ku Pul ku Lud ku Mesek ku Tubal ku Yavan ku ntuntɛ kalɔ na ɔgyu kakaaka na lɛya na besie batákɔ lɛsa bete kadi bani bekyuli nétenu-mi tɔ kɔku kalɛ na muukeye.

Bumomo Bɔka 10:32

Na si asiaku-bu ni, ala abuni ani na Unwoti ɔdubute-bu mmɔ ni, abu ku-ɔ ƒui bɔdubule-nya.”

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 19:35

Ukyuli ɔni nánu ala amɛni ni, anwu muunweni-nya kalɛ na amii lɛnɔ bɛƒɔ bɛdi. Na lɛla lɛni na ɔ́su lɛnɔ ni, sɔsɔ na ɔdi. Na ɔgyi nwaa ka litemi geen na ɔɔsu.

Batalane Kabla 13:32

“Na ni, abu búbo mɛni bɔnii buuti litemi buni lɛmɛni buboku-mii, ka ni, Katɔti kenye kani na ɔ́su úse na bula banana bene uwi ni, kébo kéte lɛni na bula uwi lɛlɔ. Na aka ndi ɔni na Katɔti ɔ́ya na Yesu ɔ́sɔ ɔ́ta úbo uli ngba. Ɔmɛni ndi lɛla lɛni lɛlɔ na Dawid únweni na nwuna kɔgya kunyɔdi kemmo. Mmɔ ni, Katɔti ɔɔsu taasiku Yesu lɛlɔ ɔnini, “ ‘Awɔ ndi mina ubi. Na ɔmwi ni, línwini-ɔ ɔti.’

Batalane Kabla 13:41

Ɔsika Katɔti ɔ́su ɔnini, “ ‘Amii bani naaabu mina litemi ni, bɛnu kaduɛ! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.’ ”

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Batalane Kabla 20:27

Sɔsɔ ni, ńteti Katɔti lɛga kadikɔ ulu lɛla lɛdi ńtabla-mii.

Batalane Kabla 4:20

Lɛla lɛni na bɔ́nu na búnu ni, bulakana kenye bubile na bɔsɔ bulie kpoo.”

Romaƒuɔ 15:27

Ɔ́yɔ-ma kaƒɔ ka babla lɛni. Na badi-ma bayune sɔsɔ! Ɔsika si bekyuli bani naaadi Yudaƒuɔ bákɛ kadikɔ ku Yudaƒuɔ kɔyu kemmo ala abuni ni, agyi anii ama lɛnɔ ɔlɛka bebunku Yudaƒuɔ ku bana akɛla.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Korintoƒuɔ 1 15:1

Banwa, ɔƒɛni ni, mɔɔyɔ́ ka binyimo litemi buni lɛni lɛsa na lɛ́kɔ líte-mii. Litemi lɛmɛni na bɛ́ƒɔ bɛ́di na binye bɔƒɔtaadi bɔmmɔ lɛlɔ kpakplaa.

Korintoƒuɔ 2 13:14

Blɔti Yesu Kristo lɛƒɔndia ku Katɔti bɔyɔ ku Katɔti Kɔyu unwi bɔbla ɔsiaku bina ƒui.

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Ƒilipiƒuɔ 2:1

Mɔɔƒɔ́ taadi ka bina ngba bɔni na bibo na Kristo kemmo ɔ́ya na bɛɛkya ɔkplu. Na nwuna bɔyɔ bɔɔsia-mii kɔnu. Na bɛ́bla ku nwuna Kɔyu unwi, na bɛda lɛlɔ kɔkɔɔkɔ, na bina lɛlɔ lɛɛkywí bina lɛlɔ kaƒɔ.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Timoteo 1 6:2

Na bekyuli bani mɔɔbla kabla teete benwoti bani ndi baƒɔtaadine ni, beteti bana bɔƒɔtaadi kɔnwa bɔdi batata betenye bana benwoti lɛlɔ. Mmomu ɔlɛka beboku lɛlɔ kalɔ na bete-ma kebunku bebu. Ɔsika bekyuli bani na beete kebunku mɛni ni, basiaku Yesu kama. Na ama ku-ma ƒui badi nwuna ala badine bani na ɔɔyɔ́ geen. Ɔmɛni na ɔlɛka atina-ma anii babla na akya-ma ogya.

Hebriƒuɔ 2:12

Ɔɔsu Katɔti ɔnini, “Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui anumi.”

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Petro 2 1:16

Ɔɔɔdi kɔtɛ keeke na bɔ́nwi búti bɔ́tina-mii ka Blɔti Yesu Kristo ɔsɔ ɔdububo na ɔyikun kemmo. Bɔgyi lɛla lɛni na bɔ́su-mii. Ɔsika abu alati bɔ́nu-nwu ku bula anumi kalɛ na use kedee na ɔdi Ɔga.

Yohane 1 1:1

Katɔti ngba litemi ndi anwu ɔni nkya ɔ́si kayawi kalɔ kesekɔ. Na ngba litemi lɛmmɔ lɛsa na bɔɔkɔ́. Búnu-nwu ala bɔsu na bɔ́nu-nwu ku anumi. Na sɔsɔ ni, búti bula enu bútuku-nwu. Uwi ɔni na ɔ́da ɔ́lɛ ni, abu bɔ́nu-nwu bɔ́ti.

Yohane 1 1:5

Na lɛla lɛni na búnu bɔ́siku Kristo ɔmɛni kudɔ na ani na bɔɔyɔ́ ka budie kenye mɛni ni, ani ndi ka Katɔti ɔdi bukeye. Na lɛdisa lɛdi liiibo-nwu lɛlɔ kemmo na ulu biala lɛlɔ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.