Yohane 9:41 - Katɔti Ɔku Kedee

⁴¹ Mmɔ na Yesu ɔ́su-ma ɔnini, “Si banii anumi nábwɛ-mii ni, nka bítaƒiɔ. Nsu ka amii alati bɛnii bɛɛnu ɔsu ni, ɔmɛni ɔɔtina ka bɛ́ƒiɔ.”

Yohane 9:41 ပူးပေါင်းရင်းမြစ်များ

Agba 26:12

Badɔlɔdi lɛnunsia na ala lɛlɔ ni, ɔdia utulo bekyuli bani mɔɔkali ka báda anu, nsu bátada anu.

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Yeremia 2:35

bɛ́mu binye bɛɛsu kpakplaa ka likpidi lɛdi lɛɛɛma-mii lɛlɔ. Na bɛɛwia ka lɛda kɔnyi buti taakya-mii lɛya. Anwuɔsu ami ku-mii bɔdubo litemi katɛkɔ bulie na bɔnu ukyuli ɔni ɔdi nátɛ.

Luka 12:47

“Kabla ɔblane ɔni ngyi lɛla lɛni na nwuna Unwoti ɔɔwia ka nka ɔbla ute-nwu nsu uuní-ni bɔbla ka útada lɛlɔ útese ɔsu ni, bubo na badubo-nwu bubo na ebola eduo-nwu lɛlɔ.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Hebriƒuɔ 10:26

Nsu si bɔgyi ƒui na búti bɔ́sia lɛlɔ na bɔɔbla ala ekpidi na uwi ɔni na bédie litemi geen lɛmmɔ ala bátina-bu ni, na likpidi buti taakyiɛ akpala adi asɔ eeebo na babla lɛnɔ.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.