Yohane 9:39 - Katɔti Ɔku Kedee

³⁹ Amu na Yesu ɔ́su ɔnini, “Líbo kayawi kamɛni mbatɛku bekyuli litemi kalɛ na banumbwɛne bataanu, na bani mɔɔnu ni, anumi abwɛ-ma.”

Yohane 9:39 ပူးပေါင်းရင်းမြစ်များ

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 6:9

Na ɔ́su ɔnini, “Ɛɛn, awɔ sie! Tásu mina bekyuli anini, “ ‘Bɛdubunu mina etemila, nsu bɛɛɛdubo-nya kalɔ bunu. Na bɛdubɔnu ala ani mɔɔbla nsu bɛɛɛdubo-nya bɔnu bɔti na binu kalɔ.’

Esekiel 12:2

“Esekiel, ɔyawine ubi, bekyuli bani mɔɔkya lɛsɛ akɔ na akya. Bebo anumi, nsu béni banii balanu baláti. Na bebo atu, nsu béni banii belese atu na benu.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 6:23

Nsu si ƒula anumi alánu nwaa ni, lɛdisa lɛdubɔƒɔ-ɔ lɛlɔ ƒui. Anwuɔsu si ƒula bukeye búnwini lɛdisa ni, na ɔdubɔbla-a suu geen.

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”

Luka 13:30

Na bekyuli bani ndi bekplodi ni, badubunwini bedeedi. Na bani ndi bedeedi ni, badubunwini bekplodi.”

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 7:21

Na uwi ɔmmɔ kani kemmo ni, Yesu ɔ́bwi bekyuli pii lɛlɛ na ɔ́gya ayu ekpidi, na ɔ́ya na banumbwɛne pii bánu.

Yohane 12:31

“Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Yohane 3:19

Lɛla lɛni ɔsu na ɔ́du-ma kɔtɔ ndi ka bukeye bɔ́si katɔ búbo kayawi, nsu bekyuli báyɔ lɛdisa bétulo bukeye bɔmmɔ. Ɔsika bana ablala adi likyulikpi ala.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Yohane 8:15

Kayawi kasusu kemmo na bɛɛtɛ litemi. Nsu ami ni, naaatɛku ɔdi litemi.

Yohane 9:25

Amu na ɔnana ɔmmɔ údie kenye ɔnini, “Ami lɛɛɛgyi si ɔdi alaekpidi ɔblane iye ɔɔɔdi. Lɛla linwi lɛni kani na ngyi ndi ka anumi ábwɛ-mi dii. Nsu ɔƒɛni ni, mɔɔnu!”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Tesalonikaƒuɔ 2 2:10

Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yohane 1 2:11

Nsu ukyuli ɔni muukisi ɔƒɔtaadine ɔkpana ni, ɔkya lɛdisa kemmo ku nwuna ablala ƒui. Na ɔɔɔgyi likpo lɛni na úsela, ɔsika lɛdisa ablala ammɔ áya na use aani ɔnumbwɛne.