Yohane 9:31 - Katɔti Ɔku Kedee

³¹ Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Yohane 9:31 ပူးပေါင်းရင်းမြစ်များ

Ala Kalɔ Buse 19:29

Anwuɔsu uwi ɔni na Katɔti ɔɔkyula lɛma linengudi lɛmɛni ni, únyimo Abraham lɛla lɛni na úvele-nwu. Anwuɔsu údie Lot na ɔgbankpi ɔni na Katɔti ɔ́ya na úbakyula ɔma ɔni kemmo na Lot ulie mmɔ kemmo.

Ala Kalɔ Buse 20:7

Anwuɔsu ni, ya na uleku ɔmmɔ ɔsɔ unwini usie ɔgyani kudɔ, ɔsika Katɔti Kenye Udiene na ɔdi. Na ɔdubɔkpali katɔ na ƒula lili na elie ngba. Nsu si átaya na ulekudi ɔmmɔ ɔsɔ unwini ni, na ati ka awɔ ku ƒula badi ƒui bɛdubo bukpi.”

Hiob 35:12

Katɔti ulákpete bekyuli bani mɔɔta teenye-nwu lɛlɔ, na bebo ulikplu na baatalaku lɛlɔ katɔ.

Hiob 35:13

Kekeeke na beenye taakpali Katɔti, ɔsika ɔɔɔdubo-ma bɔkpete ku bana kenyekplu etemila ammɔ.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Kɔgya 106:23

Anwuɔsu uwi ɔni na ɔ́bla kasusu ka ɔyila-nwuna bekyuli udu ni, Mose ɔni ndi nwuna kabla ɔblane ɔƒunadi unye ɔda-ma na úvele Katɔti ka nwuna kɔnyi kɔyɔ-nwu na ɔda-ma bɔkyula ɔya.

Kɔgya 143:10

Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

Kɔgya 145:19

Bekyuli bani ƒui mɔɔyia-nwu ku ɔbu ni, ɔɔbla bana lɛyɔla teete-ma. Na uunú bana kɔvanu na uubo taabaƒɔ-ma si bévele-nwu.

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Kɔgya 99:6

Bula bati kuuku Mose ku Aaron bakya Katɔti bakpane akɔ. Na bula Nana Samuel lɛnɔ ubunku-ma na bákpali Unwoti na úbunku-ma.

Agba 15:29

Unwoti ɔ́gyunku bekyuli bekpidi kudɔ ƒui. Nsu uunú bekyuli babuni kenye si baakpali-nwu.

Agba 21:13

Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Yesaia 58:9

Na si bɛ́kpali Unwoti ni, ɔdubɔtuna ute-mii kɔnakunwi ɔnini, ‘Bɛɛnu-mi nnye-mii kudɔ mɛni!’ “Bitabla bina bakpana kalala na bitanyi ɔkɔ na bɛdu-ma kɔtɔ iye bɛda litemi bɛsia-ma lɛlɔ lɛnɔ.

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Yeremia 15:1

Unwoti ɔ́su-mi ɔnini, “Ina Mose ku Samuel nnye mɛni bebunku-ɔ na bɛɛkpali-mi teevele ni, lɛɛɛdubo bunu, anwuɔsu ya na Yudaƒuɔ bammɔ benwini batɔlɔ.

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Yohane 11:22

Nsu ngyi ka ina ɔƒɛni muedi ni, Katɔti ɔdubɔbla lɛla biala na évele-nwu ute-ɔ.”

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Yohane 9:30

Amu na ɔnana ɔmmɔ ɔnini, “Bi litemi lɛdi mɛni? Bɔsu bɛda bɛnii bɛɛɛgyi kesii kani na ɔ́si, nsu anwu nábwi-mi lɛnumbwɛ!

Yohane 9:32

Na ɔ́si kayawi kalɔ kesekɔ ƒui ni, ɔma nénu ka ukyuli ɔdi ɔ́ya na ɔnumbwɛne ɔni na báwɔ-nwu lɛni ɔkana bɔnu?

Lɛkpa Ulu 1:45

Anwuɔsu bɛ́va bɛ́kpali Katɔti ka ubebunku-mii. Nsu útakpete-mii.

Hebriƒuɔ 10:7

Mmɔ na lɛ́su nnini, ‘Ati, aanu-mi. Líbo nnii mbabla ƒula lɛƒɔyɔ aani kalɛ na bénweni básiku-mi lɛlɔ na Bunweni Kedee Ɔku kemmo.’ ”