Yohane 9:22 - Katɔti Ɔku Kedee

²² Nwuna bawɔne básu ɔmɛni, ɔsika bátaayia Yudaƒuɔ benengu bammɔ. Ɔsika benengu bammɔ báalɛ ugyii bése ka ukyuli biala ɔni medie kenye ka Yesu ndi Ukyuli Ɔƒunadi ɔmmɔ ni, badubudie-nwu bana akɔ na Yudaƒuɔ kasalakɔ.

Yohane 9:22 ပူးပေါင်းရင်းမြစ်များ

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 19:38

Ɔmmɔ kama ni, Yoseƒ ɔni nási ɔma ɔni baalɔ banii Arimatea ni, úvele Pilato ɔnii ɔnyonu Yesu ukpine ute-nwu. Na Yoseƒ ɔmɛni ɔdi Yesu kama basiakune akɔ unwi. Nsu útabla na bekyuli bati, ɔsika ɔɔyia Yudaƒuɔ benengu bammɔ ɔsu. Na ka Pilato ɔ́tuna ni, úbo úbaƒɔ ukpine ɔmmɔ ɔ́tɔlɔku.

Yohane 20:19

Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Yohane 7:13

Nsu Yudaƒuɔ bɔyia ɔsu ni, ukyuli ɔdi útakana na ɔsu lɛla lɛdi ɔlɛku ƒui na nwuna lɛlɔ.

Yohane 9:18

Ina amu ni, Yudaƒuɔ bammɔ bátaƒɔ bátadi ka sɔsɔ na ɔdi ka ɔnana ɔmmɔ anumi ábwɛ-nwu asa na ɔ́sɔ ɔ́kana na ɔɔnu úti útédu uwi ɔni bálɔ nwuna bawɔne.

Yohane 9:21

Nsu kalɛ na ɔ́bla asa na ɔ́kana na ɔɔnu ni, bulákana bɔti. Na bɔɔɔgyi ukyuli ɔni nábwi-nwu lɛnumbwɛ lɛmmɔ lɛnɔ. Biye-nwu na anwu ɔlati ɔdubudie lɛlɔ kenye, ɔsika ɔ́ɔbi lɛlɔ kanaalɛ!”

Yohane 9:34

Amu na benengu bammɔ banini, “Awɔ ɔni na likpidi kemmo na báwɔ-ɔ bákya na lɛni kani na éti ábi lɛlɔ ni, awɔ mɔɔwia ka atina-bu ala?” Mmɔ ni, bábɔku-nwu bédie Yudaƒuɔ kasalakɔ mmɔ.

Yohane 9:35

Ka Yesu únu ka bábɔku-nwu bédie mmɔ ni, ɔ́wia ɔnana ɔmmɔ ɔ́nu. Na úye-nwu ɔnini, “Áƒɔ Ukyuli Ɔyawine Ubi ádi?”

Batalane Kabla 4:18

Na básɔ bálɔ-ma béboku bana kasalakɔ mmɔ na bábala-ma ka ɔ́si ɔƒɛni ni, basɔ batasu ukyuli ɔdi litemi na Yesu lɛnyi kemmo.

Batalane Kabla 5:13

Nsu anumi lɛlɔ baƒɔtaadine babambadi bátakana-ma kudɔ bɔkpɛ bude, ina ka baabu baƒɔtaadine bammɔ.

Batalane Kabla 5:40

Na kasalakɔ bekyuli bammɔ báƒɔ Gamaliel litemi lɛmɛni. Anwuɔsu ni, bálɔ batalane bamɛni béboku bana akɔ, na bébo-ma. Na básu-ma banii basɔ batasu litemi biala batasiku Yesu lɛlɔ kudii. Amu na bányonu-ma.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”