14 Na limeyi lɛni lɛlɔ na Yesu úti aba úsusu ɔnana ɔmmɔ anumi na ɔ́bwi-nwu ni, ɔdi lɛnwunameyi.
Uwi ɔdi ka Yesu ku nwuna batɛyane bási baaví anta kemo kadi kemmo na lɛnwunameyi lɛlɔ ni, báƒɛ anta amɛni adi na baakun.
Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.
Anwuɔsu bése kalɔ ku Yesu bukpoku, ɔsika lɛnwunameyi lɛlɔ na ɔ́bwi-nwu.
Mmɔ mmɔ ni, ukyuli ɔmɛni ɔlɛ ɔ́ba-nwu! Na úti nwuna lɛtala na úsie. Na limeyi lɛni na ala amɛni álɛ ni, ɔdi lɛnwunameyi.
Ɔmmɔ kama ni, bekyuli bammɔ béti ukyuli ɔni na nka anumi ábwɛ-nwu mmɔ bésienku Ƒarisiƒuɔ kudɔ.
Ka Yesu ɔ́su lɛni ɔ́wɔlɔ ni, útuo lisuo úwi kalɔ na úti ɔ́sala ku lɛti, na úti-ni úsusu ɔnana ɔmmɔ anumi.