Yohane 8:55 - Katɔti Ɔku Kedee

⁵⁵ Amii bɛɛɛgyi-nwu. Nsu ami ngyi-nwu. Na ndubunwini ɔkɔ ɔnyine bina kalɛ si líni ɔmɛni. Ɔsika ngyi-nwu geen, na mɔɔdi nwuna etemila lɛlɔ.

Yohane 8:55 ပူးပေါင်းရင်းမြစ်များ

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 9:3

Unwoti ɔnini, “Ɔkɔ etemila aalɛ́ mina bekyuli kenye aani kalɛ na beebó atula taalɛku kataminta kemmo. Na ɔkɔ ala bɔbla ɔyikun kani mɔɔkɔ́-ma katɔ na ɔdi ulaƒɔ enu taasu ɔnii ami ndi Katɔti.

Hosea 5:4

“Na bana ekpidi áya na basɔ balakana na benwini bebo ami bana Katɔti kudɔ, ɔsika lɛsɔnɔdi kɔyu kɔ́ƒɔ-ma lɛlɔ kemmo ƒui, na baaagyi ami bana Unwoti.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 15:21

Nsu kayawi bekyuli badubo-mii bukpoku, ɔsika binye na mina lɛnyi kemmo. Na baaagyi anwu ɔni nátala-mi lɛnɔ.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Yohane 6:46

Ɔmɛni ulátina ka ukyuli ɔdi ɔ́ɔnu Ati ɔmmɔ. Mmomu ami ɔni lɛti nási Katɔti kudɔ ni, ami lɛti náanu-nwu.

Yohane 8:19

Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Yohane 8:29

Na anwu ɔni nátala-mi ni, unyeku-mi. Na útada-mi útese, ɔsika mɔɔbla lɛla lɛni mɔɔyɔ́-nwu kaƒɔ uwi biala.”

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Batalane Kabla 17:23

Ɔsika ɔni na nkɛ mɔɔví na lɛ́nu bina kɔkpakɔ ni, lɛ́nu lɛkpatabi lɛdi lɛlɔ ka bénweni básia-ni lɛlɔ banii, ‘Amɛni búti buute Bula Ɔti ɔni na bɔɔɔgyi.’ Na Ati ɔni na bɛɛɛgyi asa na bɛɛkpá-nwu mɛni ni, nwuna lɛlɔ litemi mɔɔyɔ́ ka lɛsu-mii ɔƒɛni.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Yohane 1 1:6

Anwuɔsu si bɔnii abu ku-nwu bɔɔdi kɔkpana nsu bɔkɛ na lɛdisa ngba bukpidi bulie kemmo ni, na bɔɔnyi ɔkɔ na bɔɔɔsiaku litemi geen lɛmmɔ kama.

Yohane 1 2:22

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.

Yohane 1 2:4

Si ɔdi ɔ́su ɔnii, “Ngyi-nwu,” nsu uládi nwuna etemila lɛlɔ ni, ukyuli ɔmmɔ ɔɔnyi ɔkɔ. Na litemi geen lɛmmɔ lítaƒɔ-nwu lɛlɔ kemmo.

Yohane 1 5:10

Anwuɔsu ukyuli ɔni náƒɔ Katɔti Ubidi ɔmmɔ ɔ́di ni, ɔgyi geen na nwuna kayi kemmo ka kenye budie bɔmmɔ bɔdi litemi geen. Nsu ukyuli ɔni nátaƒɔ Katɔti útadi ni, ɔɔnu Katɔti aani ɔkɔ ɔnyine, ɔsika útaƒɔ ala ani na Katɔti ɔ́su ɔ́siku Ubidi ɔmmɔ lɛlɔ útadi.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.