Yohane 8:47 - Katɔti Ɔku Kedee

⁴⁷ Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Yohane 8:47 ပူးပေါင်းရင်းမြစ်များ

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 6:65

Amu na ɔ́su ɔnini, “Ɔmɛni ɔsu na lɛ́su-mii nnii ukyuli ɔdi ulakana-mi kudɔ bubo si ɔɔɔdi Ati náya na ɔ́kɛ ulu ɔmmɔ.”

Yohane 8:37

Ngyi ka Abraham kaba bebi na bɛdi. Nsu bɛɛwia ka bɛdu-mi, ɔsika bilaƒɔ mina ala ani na mɔɔtina-mii taadi.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Yohane 8:45

Nsu ka mɔɔsu-mii litemi geen lɛmɛni ɔsu ni, bilaƒɔ-mi taadi.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.