Yohane 8:43 - Katɔti Ɔku Kedee

⁴³ Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Yohane 8:43 ပူးပေါင်းရင်းမြစ်များ

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 6:9

Na ɔ́su ɔnini, “Ɛɛn, awɔ sie! Tásu mina bekyuli anini, “ ‘Bɛdubunu mina etemila, nsu bɛɛɛdubo-nya kalɔ bunu. Na bɛdubɔnu ala ani mɔɔbla nsu bɛɛɛdubo-nya bɔnu bɔti na binu kalɔ.’

Yeremia 6:10

“Ami Unwoti lɛ́ɛsu bekyuli bamɛni ka ndubo-ma kɔtu bɔni, nsu bɔma kani na baamá-mi, na bébulo banii belenu-mi litemi na badi-ni lɛlɔ.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Mika 4:12

“Nsu bekyuli bamɛni baaagyi lɛla lɛni na ami Unwoti mɔɔkali. Ndubo-ma bɔkɔ kpɛtɛ kpɛtɛ aani kalɛ na baakɔ́ antabi.

Mateo 13:15

Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:43

Ngyi ɔmɛni ɔsika líbo-mii kudɔ nnye na mina Ɔti kenyekɔ, nsu bítegyingya enu bítaƒɔ-mi. Na binye kagyumana ka bɛƒɔ ukyuli ɔni nnye anwu ɔlati kenye mmomu.

Yohane 6:60

Ka nwuna basiakune pii bénu ɔmɛni ni, básu banii, “Litemi lɛmɛni kalɔ bunu bubo ɔkplu geen, énu! Ɔma ndubɔkana na use atu unu lɛmɛni?”

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Yohane 8:27

Mmɔ ni, bétenu kalɔ banii Ɔti lɛlɔ na ɔɔtɛmi taasiku.

Yohane 8:33

Amu na Yudaƒuɔ bammɔ básu-nwu banini, “Abraham kaba bebi na bɔdi, na bɔɔɔkya ukyuli ɔdi kalɔ! Dɛ na ɔ́bla na aasu anii bɔdubɔkɛ bɔnwuna?”

Yohane 8:39

Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Romaƒuɔ 3:11

Ukyuli ɔdi biala uuubo ɔni mɔɔnu lɛbuni taati. Na ɔdi lɛnɔ uláwia Katɔti kama ulu.