Yohane 8:39 - Katɔti Ɔku Kedee

³⁹ Amu na Yudaƒuɔ bammɔ básu-nwu banini, “Abraham ndi bula ɔti.” Mmɔ na Yesu ɔ́su-ma ɔnini, “Si Abraham bebi na bɛdi geen ni, bɛdubɔbla ala ani na Abraham ɔ́bla.

Yohane 8:39 ပူးပေါင်းရင်းမြစ်များ

Mateo 3:9

Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Yohane 8:33

Amu na Yudaƒuɔ bammɔ básu-nwu banini, “Abraham kaba bebi na bɔdi, na bɔɔɔkya ukyuli ɔdi kalɔ! Dɛ na ɔ́bla na aasu anii bɔdubɔkɛ bɔnwuna?”

Yohane 8:37

Ngyi ka Abraham kaba bebi na bɛdi. Nsu bɛɛwia ka bɛdu-mi, ɔsika bilaƒɔ mina ala ani na mɔɔtina-mii taadi.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Yohane 8:56

Ebiti áda bina ɔti Abraham ka ɔ́ti ka ndubo. Anwuɔsu úti anu ɔ́sia mina bubo lɛlɔ ku lɛlɔyɔ.”

Romaƒuɔ 4:12

Abraham ɔdi ɔti ute bani na békulo ago lɛnɔ. Nsu ɔɔɔdi ɔni na békulo ago ɔsu, mmomu ka bélie ngba na bɔƒɔtaadi kemmo aani kalɛ na bula ɔti Abraham úlie asa na úkulo lego ɔsu.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Romaƒuɔ 9:7

Na ulátina ka ni, Abraham kaba ƒui ndi Katɔti bebi. Katɔti ɔ́su Abraham ɔnini, “Ɔkɛnku Isak lɛlɔ na adubudie kaba aani kalɛ na lɛ́su-ɔ líse.”

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Galatiƒuɔ 3:7

Anwuɔsu bɛnu bɛti ka bekyuli bani mbo bɔƒɔtaadi ni, ama ndi Abraham bebi.