Yohane 8:31 - Katɔti Ɔku Kedee

³¹ Amu na Yesu ɔ́su Yudaƒuɔ bani náƒɔ-nwu bádi mmɔ ɔnini, “Si bɛɛbla taasiaku mina ala ani na lɛ́tina-mii lɛlɔ ni, na bɛdi mina basiakune sɔsɔ.

Yohane 8:31 ပူးပေါင်းရင်းမြစ်များ

Mateo 24:13

Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Yohane 2:2

Na bálɔ Yesu ku nwuna batɛyane lɛnɔ banii bebo uleku ketikɔ mmɔ.

Yohane 6:55

Ɔsika mina ɔlɔna ɔdi adila geen na mina ubugya lɛnɔ ɔdi lɛla lɛnidi geen.

Yohane 8:36

Anwuɔsu si ami Katɔti Ubidi lɛ́ya na ákɛ bɔnwuna ni, na ebo bɔnwuna geen sɔsɔ.

Batalane Kabla 13:43

Na ka bégyingya ni, Yudaƒuɔ pii ku bani nénwini Yudaƒuɔ na baayia Katɔti na kasalakɔ mmɔ básiaku Paulo ku Barnaba, na bákɛ beenú batalane bamɛni bɔlɛ ka benye lɛƒɔndia lɛni na Katɔti úti uute-ma mɛni kemmo kpakplaa.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Batalane Kabla 26:22

Nsu ni, Katɔti údie-mi na bana enu kemmo. Anwuɔsu na mmu nli ngba muudie ɔmɛni kenye taatina amii benengu ku bekyuli ƒui lɛnɔ. Lɛla lɛni na mɔɔsu mɛni ni, ani kani na Katɔti kenye bediene ku Mose bene ƒui básu ka lɛdubɔlɛ.

Romaƒuɔ 11:22

Ɔmɛni ɔɔtina-bu kalɛ na Katɔti ɔɔnu kɔnyana ku kalɛ na nwuna litemi libo ɔkplu. Ɔ́yu bekyuli bani nébo kalɔ ɔkplu, na ɔdi lɛƒɔndia ute amii si binye bɔƒɔtaadi bɔmmɔ lɛlɔ kpakplaa uwi ƒui. Si bítabla lɛni ni, Katɔti ɔdubukulo-mii udie kugyii kɔmmɔ lɛlɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Timoteo 1 2:15

Nsu si uleku wenye kpakplaa na nwuna bɔƒɔtaadi kemmo ku bɔyɔ na wada lɛlɔ kedee na weboku lɛlɔ kalɔ ni, ɔdubɔvi nwuna kɔwɔ lɛbibo kemmo buɛɛ.

Timoteo 1 4:16

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Timoteo 2 3:14

Nsu awɔ ni, mɔɔwia ka enye ala ani na atɛya na áƒɔ ádi lɛnɔ lɛlɔ kpakplaa. Ɔsika agyi bekyuli bani kudɔ na átɛya-nya.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Hebriƒuɔ 8:9

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Ɔsika bátadi lɛla lɛni na línyimiku-ma lɛlɔ. Anwuɔsu línwini kama lɛ́kya-ma.

Yakobo 1:25

Litemi buni lɛmmɔ ndi Katɔti ɔda ɔni na úbo-bu geen. Na ani mɔɔyá bekyuli baakɛ́ bɔnwuna. Si ukyuli únu na úduo etemila ammɔ kemmo kaduɛ na útayiƒala ka ɔbla ɔsiaku-nya lɛlɔ ni, ala ani na ɔɔbla ƒui adubɔtɛ ete-nwu.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Yohane 1 2:24

Bɛnu kaduɛ na bɛya na ala ani na bínu ɔ́si kalɔ kesekɔ mmɔ áƒɔ-mii lɛlɔ kemmo ƒui. Na si bɛda-nya kaduɛ ni, bɛdubulieku Ubidi ku Ɔti ɔmmɔ ƒui uwi biala.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.

Samuel 1 12:14

Na ɔƒaani si bɛɛbu Unwoti bina Katɔti, na amii ku bina ɔga ƒui bɛɛdi nwuna etemila lɛlɔ na bítenwini kama bítakya-nwu ni, lɛla biala lɛdubɔtɛ lite-mii.