Yohane 8:29 - Katɔti Ɔku Kedee

²⁹ Na anwu ɔni nátala-mi ni, unyeku-mi. Na útada-mi útese, ɔsika mɔɔbla lɛla lɛni mɔɔyɔ́-nwu kaƒɔ uwi biala.”

Yohane 8:29 ပူးပေါင်းရင်းမြစ်များ

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 42:21

Ka Katɔti use siin na ɔɔbla lɛla biala kaduɛ ɔsu ni, ɔdi-nwu lɛƒɔyɔ ka bekyuli banu kalɛ na nwuna ɔda bubo buukeye na bemwi-nwu.

Yesaia 42:6

Lɛ́ƒuna-a ka eti ala bɔbla ulu siin lɛlɔ eboku bekyuli akɔ. Na anwuɔsu na nnye-ɔ kudɔ. Lɛ́ƒuna-a na lɛ́tala-a ka enwini bukeye ku mina bunyimi kenye kani na líse ete kayawi kadi bekyuli.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 3:15

Nsu Yesu údie kenye ɔnini, “Awɔ nu kalɔ na bɔbla-nwu lɛni ɔƒɛni asa. Ɔsika ɔmɛni ndubɔya na bɔbla Katɔti lɛƒɔyɔ.” Anwuɔsu Yohane únu kalɔ.

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Yohane 14:31

Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 16:32

Uwi ɔdubo, na úudu lɛnɔ ɔni na bɛdubo bugyingya bɛtɔlɔ-mi kudɔ, na ɔdi biala uteesie nwuna kaduli na bɛda ami lɛti binyene. Nsu geen ni, ɔɔɔdi ami lɛti nnye. Ɔsika mina Ɔti unye-mi kudɔ.

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Yohane 5:30

“Lɛɛɛdubo lɛla lɛdi bɔkana bɔbla na ami ɔlati ɔyikun kemmo. Mmomu ndubɔtɛku bekyuli litemi aani kalɛ na mina Ɔti ɔ́su-mi. Anwuɔsu mina litemi bɔtɛ buse siin, ɔsika naaabla mina lɛƒɔyɔ. Mmomu Katɔti ɔni nátala-mi ni, nwuna lɛƒɔyɔ na mɔɔbla.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yohane 8:16

Si banii bɔtɛ na ntɛ litemi muedi ni, nka mina litemi bɔtɛ bɔkɛ ulu lɛlɔ. Ɔsika ɔɔɔdi ami lɛti mɔɔtɛ litemi lɛmmɔ. Mmomu Katɔti ɔni nátala-mi unye-mi kama.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.