Yohane 8:28 - Katɔti Ɔku Kedee

²⁸ Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Yohane 8:28 ပူးပေါင်းရင်းမြစ်များ

Israelƒuɔ Bɔlɛ 3:14

Amu na Katɔti ɔ́su-nwu ɔnini, “Si béye-ɔ mina lɛnyi ni, na asu-ma anii, ‘Ami baalɔ Ami Ndi Ami.’ Na asu-ma ka ‘Ami Ndi Ami nátala-mi ɔ́kya-mii.’ ”

Mateo 24:5

Bekyuli pii badubuti mina lɛnyi bebo babasu-mii banini, ‘Ami ndi Ukyuli Ɔƒunadi ɔmmɔ’ na batɔlɔ bekyuli pii.

Marko 13:6

Bekyuli pii badubuti lɛlɔ bakɔku-mi na basu-mii banini, ‘Ami mɛni,’ na batɔlɔ bekyuli pii.

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Yohane 11:42

Na ngyi ka aatuna teete-mi uwi biala kemmo. Nsu bekyuli bani nnye mɛni ɔsu na nsɔ mɔɔsu ɔmɛni kalɛ na baƒɔ badi ka awɔ nátala-mi.”

Yohane 13:19

“Na mɔɔsu-mii ɔmɛni lise asa ubo ubalɛ, kalɛ na si úbo úbalɛ lɛni sɔsɔ ni, na bɛti ka ami ndi Anwu ɔni nkya ɔ́si kalɔ kesekɔ.

Yohane 16:10

Na badubɔnu ka baaasiaku ulu siin ɔmmɔ lɛlɔ, ɔsika lísela mina Ɔti kudɔ na bɛsɔ bɛɛɛdubo-mi bɔnu.

Yohane 18:32

Na ala amɛni álɛ lɛni kalɛ na litemi lɛni na Yesu ɔ́su ɔ́siku kukpi kɔni udu na ɔdubo bukpi lɛlɔ ubo ute lɛni sɔsɔ.

Yohane 19:18

Mmɔ na bákana-nwu bámana ugyii lɛlɔ. Na mmɔ lɛnɔ ni, bákana nkyuli inyɔ bamba badi bámana ligyii lɛlɔ na Yesu kɔmii ku kɔdianu.

Yohane 3:11

Mɔɔsu-ɔ geen ka bɔɔtɛmi taasiku ala ani na bɔgyi lɛlɔ, na buudie ani na bɔ́nu kenye teete-mii. Nsu bilaƒɔ ala ani kenye na buudie teete-mii taadi.

Yohane 3:14

“Bínu na Mose ɔku kalɛ na ɔ́kana kɔlakpi kɔni bávɔ ku lɛbuala ɔ́mana ugyii lɛlɔ, na ɔ́kɔliku-ku katɔ na ketele kukuuku kalɛ na bekyuli bammɔ bakɛ ngba. Lɛni kani na ɔlɛka bakɔliku ami Ukyuli Ɔyawine Ubi katɔ,

Yohane 4:26

Mmɔ ni, Yesu údie kenye ɔnini, “Ami ɔni mɔɔtɛmiku-ɔ mɛni ndi Anwu ɔmmɔ.”

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.

Yohane 5:30

“Lɛɛɛdubo lɛla lɛdi bɔkana bɔbla na ami ɔlati ɔyikun kemmo. Mmomu ndubɔtɛku bekyuli litemi aani kalɛ na mina Ɔti ɔ́su-mi. Anwuɔsu mina litemi bɔtɛ buse siin, ɔsika naaabla mina lɛƒɔyɔ. Mmomu Katɔti ɔni nátala-mi ni, nwuna lɛƒɔyɔ na mɔɔbla.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Yohane 8:27

Mmɔ ni, bétenu kalɔ banii Ɔti lɛlɔ na ɔɔtɛmi taasiku.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Batalane Kabla 2:41

Ɔmɛni ɔsu ni, bana akɔ pii báƒɔ Petro litemi bádi, na bákpila-ma ntu na Yesu lɛnyi kemmo, na bana bumomo bɔbla aani nkyuli mpim ɛtɛ. Na ama lɛnɔ béti lɛlɔ bebunku baƒɔtaadine bammɔ limeyi lɛmmɔ.

Batalane Kabla 4:4

Nsu bekyuli pii bani nénu bana etemila amɛni kemmo ni, báƒɔ litemi buni lɛmɛni bádi. Na bana bumomo bɔbla aani banana mpim ɛlɔ.

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.