Yohane 8:20 - Katɔti Ɔku Kedee

²⁰ Kenye kamɛni na ɔ́su-ma na kesii kani nde egulabi kesekɔ na kakpakɔ kemmo mmɔ. Nsu ukyuli ɔdi útakana-nwu buƒie, ɔsika nwuna uwi ɔmmɔ útedu tɔ.

Yohane 8:20 ပူးပေါင်းရင်းမြစ်များ

Ala Alɛdi 1 9:26

Na bagyumanane benengu bammɔ badi ine. Na ama mɔɔbla kabla kammɔ taawɔlɔ. Na ama mɔɔnu kakpakɔ lɛtɔ lɛmmɔ kemmo iye si ukyuli ɔdi ɔɔwia lɛla lɛdi.

Mateo 26:55

Ɔmɛni kama ni, Yesu úye bekyuli lisu lɛmmɔ ɔnini, “Bi ɔsu na ɔlɛka biti ligyii ku lɛkɛɛ bibo bɛnii bibeƒie-mi aani si lɛ́ta línye aban lɛlɔ? Lɛ́tina bekyuli ala limeyi biala na Katɔti kakpakɔ na bíteƒie-mi.

Mateo 27:6

Na bakpane benengu bammɔ bábuma egulabi ammɔ na básu banii, “Útalɛka buti egulabi amɛni bɔsalaku ani nkya Katɔti kakpakɔ kuyi kavumi kemmo, ɔsika ukyuli ubugya egulabi na adi. Na bula ɔda bubo buutile ɔmɛni kuƒi.”

Marko 12:41

Amu na Yesu ɔ́yu úlie kalɔ na kakpakɔ mmɔ na egulabi kesekɔ kudɔ, na ulie ɔɔnu kalɛ na bekyuli baaví teetéte bana etela. Balakɛne pii bététe egulabi bonwu banii beeti batina lɛlɔ.

Marko 12:43

Amu na Yesu ɔ́lɔ nwuna batɛyane ɔ́sala lisu na ɔ́su-ma ɔnini, “Mɔɔsu-mii geen ka na Katɔti anumi ni, ukpinele ɔwabane ɔmɛni néte egulabi útulo na bekyuli bamɛni ƒui akɔ.

Luka 20:19

Ɔda bubo ala batinane ku Katɔti bakpane benengu bákya ɔkplu banii beeƒie Yesu na mmɔ, ɔsika bánu báti ka bana lɛlɔ geen ɔsu na úbo lɛgba lɛmmɔ. Nsu baayia bekyuli bammɔ.

Luka 21:1

Na kakpakɔ mmɔ ni, Yesu ɔ́talaku anumi na ɔ́nu kalɛ na balakɛne beeti bana etela taabakya kakpakɔ kavumi kemmo.

Yohane 10:39

Mɛni lɛnɔ ni, Yudaƒuɔ bammɔ básɔ báyɔ ka beƒie-nwu, nsu ɔ́sɔ ɔ́lɛ-ma enu kemmo.

Yohane 2:4

Amu na Yesu ɔ́su-nwu ɔnini, “Uleku, ɔɔɔdi awɔ masu-mi lɛla lɛni mabla. Uwi ɔni na mete kebunku útedu tɔ.”

Yohane 7:14

Ka emeyi ani baadi mmɔ éle ntɛ ni, Yesu úsie útéduo Yudaƒuɔ kakpakɔ na ɔ́tina ala.

Yohane 7:30

Ɔmɛni ɔsu ni, báwia ka beƒie-nwu. Nsu ukyuli ɔdi útakana-nwu butuku, ɔsika nwuna uwi útedu tɔ.

Yohane 7:44

Badi báyɔ ka beƒie-nwu, nsu ɔdi útakana-nwu butuku.

Yohane 7:8

Amii biteesie bina limeyi lɛmmɔ kadikɔ. Ami ńtesela emeyi ammɔ kadikɔ, ɔsika mina uwi útedu tɔ ƒui.”

Yohane 8:2

Kadi kégye ɔtanta tutuutu ni, ɔ́sɔ únwini úsie Yudaƒuɔ kakpakɔ. Na bekyuli bammɔ ƒui báka bámana-nwu, na anwu úlie-ma ntɛ na úsie kalɔ ɔɔtina-ma ala.

Yohane 8:59

Mmɔ ka ɔ́su lɛni ni, bála atabi banii beebó-nwu, nsu Yesu ɔ́bɛla lɛlɔ na ɔ́vi ɔ́lɛ-ma akɔ na kakpakɔ mmɔ.