Yohane 8:19 - Katɔti Ɔku Kedee

¹⁹ Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Yohane 8:19 ပူးပေါင်းရင်းမြစ်များ

Yeremia 22:16

Na lɛla lɛni mɔɔtina geen ka ukyuli ɔgyi-mi na lɛdi mmɔ. Ɔmmɔ ɔsu na úlie ngba ku atu bɔyɔ na ubo ala na édu-nwu na ɔdi na ɔni lɛnɔ uwi biala.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Yohane 1:10

Nsu geen ni, ɔkya kayawi. Na ina ka nwuna lɛlɔ na Katɔti ɔ́kɛ asa na údie kayawi ni, bekyuli bátanu-nwu bátati.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 15:21

Nsu kayawi bekyuli badubo-mii bukpoku, ɔsika binye na mina lɛnyi kemmo. Na baaagyi anwu ɔni nátala-mi lɛnɔ.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 7:28

Na uwi ɔni na Yesu ɔɔtina ala na kakpakɔ mmɔ ni, úye-ma ku lɛdi momoomo ɔnini, “Bɛɛbu bɛnii bɛgyi-mi ku kesii kani na lɛ́si? Ńtebo mɛni na ami ɔlati ɔyikun kemmo! Ukyuli ɔni nátala-mi ni, ulányi ɔkɔ. Na amii bɛɛɛgyi-nwu.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Yohane 1 2:23

Na ukyuli ɔni muuní Ubi ɔmɛni taasu ka ɔɔɔdi Katɔti Ubidi ni, anwu ku Katɔti beeebo kɔna. Na ukyuli ɔni muudie kenye taasu ka ɔ́ƒɔ Ubi ni, ɔ́ƒɔ Katɔti lɛnɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.