Yohane 8:15 - Katɔti Ɔku Kedee

¹⁵ Kayawi kasusu kemmo na bɛɛtɛ litemi. Nsu ami ni, naaatɛku ɔdi litemi.

Yohane 8:15 ပူးပေါင်းရင်းမြစ်များ

Amos 5:7

Amii bani mɔɔtu litemi geen teenwini na biiƒú ala taakya na bilábla ala ulu lɛlɔ siin ni, amii ɔdi ɔ́sa.

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Habakuk 1:4

Belenye bekyuli lɛlɔ na badi ƒula ɔda bubo lɛlɔ. Na litemi bɔtɛ ulu siin lɛlɔ amu bɔ́yii udu kula kula. Bakantankpine báka ƒula bekyuli babuni bákya na bátu ƒula ɔda bubo bénwini kalɛ kalɛ na ama baayɔ́.

Luka 12:14

Amu na Yesu údie kenye ɔnini, “Ɔnana, ɔma néte-mi kuƒi ɔnii nle ala iye ntɛ litemi na bina inyɔ ntɛ?”

Yohane 12:47

“Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Yohane 18:36

Mmɔ na Yesu ɔ́su-nwu ɔnini, “Mina lɛga bɔdi bútasi kalɔ kamɛni lɛlɔ. Si banii kalɔ kamɛni lɛlɔ lɛga bɔdi na lɛdi ni, nka mina basiakune badubukpo bete-mi kalɛ na neeeduo Yudaƒuɔ benengu enu kemmo. Nsu ni, ɔɔɔdi lɛni na use. Mina lɛga bɔdi lɛ́si kesii bamba.”

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Yohane 7:24

Bitatɛ litemi anumi lɛlɔ! Mmomu bɛtɛ litemi na ulu geen lɛlɔ.”

Yohane 8:11

Amu na uleku ɔmmɔ ɔnini, “Oowo, Ati.” Anwuɔsu Yesu ɔ́su-nwu ɔnini, “Lɛni kani na ami lɛnɔ naaadu-ɔ kɔtɔ. Anwuɔsu teesie. Mmomu tasɔ telie ataabla likpidi.”

Romaƒuɔ 2:1

Anwuɔsu ni, si awɔ ɔdi aatɛku ukyuli litemi na aadú-ma kɔtɔ ni, eeebo kenye kadi na eedie. Na ulu biala lɛlɔ na ádu ƒula bakpana kɔtɔ ni, ƒula lɛlɔ na aadú kɔtɔ. Ɔsika ala ani na bábla ni, ana udu kani na awɔ lɛnɔ aabla.

Korintoƒuɔ 1 2:15

Ukyuli ɔni na Katɔti Kɔyu kɔ́ƒɔ-nwu lɛlɔ kemmo ni, ɔɔkana na ɔɔnu lɛla biala taati. Nsu anwu ni, bekyuli balakana-nwu bɔnu bɔti.

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Yakobo 2:4

Lɛla lɛmani na bɛdaku bɔbla mɛni? Bɛɛƒuna bekyuli kemmo na biilii bakladi teekpo na bina akɔ. Kasusu kekpidi kadi na bɛda bɛɛbla ala amɛni.

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”