Yohane 7:7 - Katɔti Ɔku Kedee

⁷ Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Yohane 7:7 ပူးပေါင်းရင်းမြစ်များ

Baga 1 21:20

Amu na Ahab ɔ́su Elia ɔnini, “Bi? Bɔnu na awɔ mina ukisine ánu-mi?” Amu na Elia údie kenye ɔnini, “Lɛ́nu-ɔ, ɔsika éti lɛlɔ éye éte likpidi na Unwoti anumi.

Baga 1 22:8

Amu na Israelƒuɔ ɔga údie Yehosaƒat kenye ɔnini, “Kenye udiene unwi ɔdi úbu ɔni na bɔkana buye-nwu Unwoti kasusu bunu, nsu muukisi-nwu. Ɔsika ulédie kenye kabuni biala na mina lɛlɔ. Na kenye biala wasu mina lɛlɔ kaaadia. Na anwu baalɔ Mikaia, na ɔdi Imla ubidi.” Amu na Yehosaƒat ɔ́su Israelƒuɔ ɔga ɔnini, “Útalɛka asu lɛni.”

Kɔgya 109:5

Na ɔmɛni ƒui kama ni, likpidi na béti bágya-mi enu na lɛbuni lɛni lɛ́bla-ma kenye. Na bukisi lɛnɔ béti básiaku-mi na mina bɔyɔ kenye.

Agba 15:12

Bekyuli bani muuti lɛla biala taabla lɛmala ni, balayɔ bekyuli bani mɔɔdɔnku-ma. Anwuɔsu na balani teede banundane.

Agba 8:36

Nsu bekyuli bani na báyii ulu na bátanu-mi ni, bábla lɛlɔ kalala. Na bani muukisi-mi ni, bati ka kukpi na baayɔ́.”

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Yeremia 20:8

Ala bubile ku kukpi lɛsa kani na áya na mɔɔkɔ́ teete bekyuli bammɔ. Na ƒula kenye kani na mɔɔsu mmɔ káya na edumi ku lɛbibo kani na mɔɔsiáku uwi ƒui.

Lewiƒuɔ Ɔda Bubo 13:10

Na ɔkpane ɔmmɔ ɔnu ɔlɛ ɔmmɔ. Na si ɔkpaala ƒututuu ɔmmɔ ɔsu nwuna linwini lɛ́bla ƒututuu, nsu ɔlɔna ɔmmɔ ɔ́lɛ ɔlɛ ɔwɔdi ni,

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Luka 6:26

Bɔbuɛ muute amii bani na bekyuli ƒui beemwi ɔƒɛni, ɔsika lɛni kani na bana bati kuuku bémwi bekyuli bani nátɔlɔ bekyuli ka badi Katɔti kenye bediene.

Yohane 17:14

Líboku-ma ƒula linyesia na kayawi bekyuli békisi-ma, ɔsika ɔɔɔdi kayawi kamɛni ɔdi na badi kalɛ kani na ami lɛnɔ lɛɛɛdi kayawi kamɛni ɔdi.

Yohane 3:19

Lɛla lɛni ɔsu na ɔ́du-ma kɔtɔ ndi ka bukeye bɔ́si katɔ búbo kayawi, nsu bekyuli báyɔ lɛdisa bétulo bukeye bɔmmɔ. Ɔsika bana ablala adi likyulikpi ala.

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Galatiƒuɔ 4:16

Munuu línwini-mii ukisine na litemi geen lɛni na lɛ́su-mii ɔsu?

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Yohane 1 4:5

Kayawi lɛlɔ bekyuli kani na badi. Na baatɛmi taasiku kayawi ala lɛlɔ. Na kayawi bekyuli lɛnɔ beenú-ma litemi.