Yohane 7:4 - Katɔti Ɔku Kedee

⁴ Ɔsika ukyuli ɔni mɔɔwia ka bati-nwu ni, ulabɛ taabla lɛla lɛdi. Ka aakana ala amɛni udu bɔbla ni, ya na kayawi bekyuli ƒui banu ƒula ablala bati!”

Yohane 7:4 ပူးပေါင်းရင်းမြစ်များ

Baga 1 22:13

Na ɔtalane ɔni bátála ka útéti Mikaia uboku mmɔ ɔɔsu Mikaia ɔnini, “Nu, awɔ lɛti pɛ ndi kenye udiene ɔni nébu. Na kenye bediene bakladi baasu lɛla lɛni ndia teete ɔga. Anwuɔsu, ya ƒula etemila ku bani ngye adi abla unwi. Na asu lɛla lɛni ndubɔyɔ ɔga kaƒɔ.”

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Mateo 4:6

Amu na ɔ́su-nwu ɔnini, “Si Katɔti Ubidi na adi ni, na aba lɛgyu eténye kalɔ. Ɔsika Bunweni Kedee Ɔku ɔɔsu ɔnii, “ ‘Katɔti ɔdubɔtala nwuna batu na bagyu-ɔ bada enu kemmo ɔni na ƒula ɔgba muedi uletulo atabi adi.’ ”

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Luka 6:45

Ukyuli ɔbuni ni, ala abuni na uudie taalɛku nwuna akɛla abuni ani nkya nwuna kayi kemmo. Na ukyuli ukpidi lɛnɔ uuboku akɛla ekpidi ani nkya-nwu kayi kemmo. Ɔsika ala ani néyi ukyuli kayi kemmo ni, anya na nwuna kenye kaasu.

Yohane 18:20

Amu na Yesu údie kenye ɔnini, “Lɛ́tina ukyuli biala ala na kadi ƒui anumi uwi biala kemmo. Na ala ani na lɛ́tina mmɔ lɛnɔ ni, Yudaƒuɔ kɔsakɔ na lɛ́tina-nya na Yudaƒuɔ kakpakɔ uwi ɔni na bana ƒui bábasa. Na ńtasu lɛla lɛdi na bɔbɛ kemmo.

Yohane 7:3

Anwuɔsu Yesu banwani básu-nwu banini, “Tɔlɔ mɛni teesie Yudea kesii kani na ƒula basiakune badubɔnu ƒula ablala.

Yohane 7:5

Básu-nwu lɛni ɔsika nwuna banwani muedi bátaƒɔ-nwu bátadi.