Yohane 7:37 - Katɔti Ɔku Kedee

³⁷ Na limeyi likplodi lɛlɔ na emeyi ammɔ bɔdi kemmo ɔni ndi limeyi linengudi ni, Yesu ɔ́ta únye na ɔ́su ku lɛdi momoomo ɔnini, “Si utukwɛ ɔɔda ukyuli ɔdi ni, ukyuli ɔmmɔ ɔtɔlɔ ubo-mi kudɔ na ubani ntu.

Yohane 7:37 ပူးပေါင်းရင်းမြစ်များ

Nehemia 8:18

Na ɔ́si limeyi lɛmmɔ bɔdi, limeyi lideedi útédu limeyi likplodi lɛlɔ bataaka Unwoti bubo etemila ammɔ adi kakɛ. Na bádi emeyi ammɔ emeyi maatɛ. Na limeyi maanedi lɛlɔ ni, básala na bádi limeyi lɛmmɔ báwɔlɔ aani kalɛ ɔda bubo bɔmmɔ bɔɔtina.

Kɔgya 143:6

Lɛ́kɔliku mina enu katɔ mɔɔkpali-ɔ aani kalɔ kani lɛlɔ na ntu bɔ́kwii bɔ́sa ƒui.

Kɔgya 42:2

Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?

Kɔgya 63:1

O Katɔti, awɔ ndi mina Katɔti ɔni kama ulu na mɔɔwia kpakplaa aani kalɛ na utukwɛ ɔɔda ukyuli na kalɔ kakwiidi lɛlɔ.

Agba 1:20

Lɛnunda lise aani ukyuli ɔni muubó kudu na lilu lɛlɔ. Na uute kenye na kɔsalakɔ ƒui.

Agba 8:1

Ɔɔɔdi bɔkpali na lɛnunda lɛda bekyuli? Na ɔɔɔdi ala kalɔ bunu muubó kudu momoomo mmɔ?

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Agba 8:3

Unye lɛban lɛni ƒui na baasia teeduo ɔma unengudi ɔmmɔ kemmo kenye na ɔɔkɔ́ lɛsa na kɔyakun kɔmmɔ ƒui ɔnini,

Agba 9:3

Na ɔ́tala nwuna kabla bablane ka batálɔ bekyuli ƒui bavi na bebo. Unye kesii kani nákuku na ɔɔnu ɔma unengudi ɔmmɔ ƒui.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Yesaia 12:3

Ebiti kemmo na bɛdubo ntu budu bɔni bɔsiku ngba bɔƒɔ libiɔ lɛmɛni kemmo.

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Yesaia 40:6

Lɛdi lɛdi lɛ́su-mi lɛnini, “Va momoomo na atɛmi.” Amu na líye nnini, “Bi na nva nsu?” Lɛdi lɛmmɔ lɛ́su lɛnini, “Su anii, ‘Bekyuli ƒui bese aani lɛku kemmo alakpi, na ukyuli bɔdia buse aani alakpi anwula.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Esekiel 47:9

Na kesi kesii na ntu bɔmɛni bɔ́gba bɔkɛ ni, ketu kemmo lɛna ku kɔbɛ lidu lidu badubo mmɔ bɔkya. Ɔsika ɔdubo ngba ku ntu bɔbuni bɔni mɔɔdia bɔni buti buboku Ɛpugyie kemmo.

Lewiƒuɔ Ɔda Bubo 23:36

Na emeyi maatɛ ammɔ kemmo ni, bitaabla ogya akpala bɔkyula. Na limeyi maanedi lɛlɔ bina ƒui bɛsa bɔsa kedee na mina lɛnyi lɛlɔ na bɛbla ogya akpala bɔkyula bite Unwoti. Ka limeyi lɛmmɔ na bɛɛdi-ni bɛwɔlɔ ɔsu ni, ukyuli ɔdi utabla kabla kadi.

Lewiƒuɔ Ɔda Bubo 23:39

“ ‘Anwuɔsu ɔsi limeyi leevu-lɛlɔndi na kɔbuli maatɛdi lɛlɔ uwi ɔni bɛ́ƒɛ bina edula bɛ́wɔlɔ ni, na bɛdi limeyi lɛmmɔ emeyi maatɛ bite Unwoti. Na biti limeyi lideedi ku limeyi maanedi bɛbla lɛnwuna emeyi.

Mika 6:9

Bise atu na binu, ɔsika Unwoti ɔɔtɛmiku amii bani ƒui na bɛkya ɔma unengudi ɔmmɔ kemmo na ubo ɔyikun ɔni na ɔni bekyuli kɔtu. Na bekyuli bani mɔɔyia awɔ Unwoti ni, bebo lɛnunda.

Sakaria 9:15

Unwoti Ɔyikune Ƒui ɔdubo nwuna bekyuli bɔgyumana, na ɔya na bani muuƒwimi kavwinvwi ku atabi bubo geen banya bana bekisine besusu kalɔ. Badubo butaabɔku-ma ku kɔvanu aani bekyuli bani na békpi ntɛ na bana ɔyikun umo-ma aani ubugya akpala kalaku kani néyi tɛtɛɛtɛ.

Bumomo Bɔka 29:35

“ ‘Na limeyi maanedi ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi.

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Mateo 3:3

Yohane ɔmɛni ndi ukyuli ɔni lɛlɔ na Katɔti Kenye Udiene Yesaia ɔ́su úse ɔnini, “Ukyuli ɔdi ɔɔva na ketele kemmo ɔnii, ‘Binye kagyumana bite Blɔti. Bɛklibi bina lɛlɔ bise kaduɛ bite nwuna bubo.’ ”

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Yohane 1:23

Údie kenye ɔ́su-ma aani kalɛ na Kenye Udiene Yesaia únweni úse ɔnini, “Ami ndi ukyuli ɔni mɔɔva na ketele kemmo nnii bɛklibi ulu bise bite Blɔti bubo.”

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 4:11

Uleku ɔmmɔ úye-nwu ɔnini, “Ɔbune, na ka eeebo lɛla lɛni na eti edu-mu edie na libiɔ lɛmɛni lɛnɔ lɛ́gyu ni, wɛ na adubo ntu bɔni mɔɔgbá na buute ngba mmɔ bɔkɛ?

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:40

Nsu biiní ka bibo-mi kudɔ na lɛya na bɛkɛ ngba bɔmmɔ.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Yohane 6:55

Ɔsika mina ɔlɔna ɔdi adila geen na mina ubugya lɛnɔ ɔdi lɛla lɛnidi geen.

Yohane 7:28

Na uwi ɔni na Yesu ɔɔtina ala na kakpakɔ mmɔ ni, úye-ma ku lɛdi momoomo ɔnini, “Bɛɛbu bɛnii bɛgyi-mi ku kesii kani na lɛ́si? Ńtebo mɛni na ami ɔlati ɔyikun kemmo! Ukyuli ɔni nátala-mi ni, ulányi ɔkɔ. Na amii bɛɛɛgyi-nwu.

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Korintoƒuɔ 1 10:4

Na báni Kɔyu kemmo ntu bunwi pɛ bɔmmɔ. Báni ntu básiku Kɔyu kemmo lɛtakpɛ lɛni nkɛ nsiaku-ma mmɔ kemmo. Na lɛtakpɛ lɛmmɔ lɛdi Kristo ɔmmɔ ɔlati.

Korintoƒuɔ 1 11:25

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.”

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.