Yohane 7:27 - Katɔti Ɔku Kedee

²⁷ Si Ukyuli Ɔƒunadi ɔmmɔ úbo ni, ukyuli ɔdi uláti kesii kani na ɔ́si. Nsu ukyuli ɔmɛni anwu ni, bɔgyi kesii kani na ɔ́si.”

Yohane 7:27 ပူးပေါင်းရင်းမြစ်များ

Yesaia 11:1

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Yesaia 53:8

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo? Alaekpidi ani na mina bekyuli bábla ɔsu na bádu-nwu lɛni.

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.

Yeremia 30:21

Na bina akɔ kani na bɛdubɔkɛ bina ɔtɔnkune bɛsiku. Na si lɛ́lɔ-nwu nnii ubo-mi kudɔ na mina kakpakɔ ni, ɔdubɔni ude-mi na mina lɛkpabi lɛlɔ. Ɔsika ɔdi ulakana-mi bɔni bude si ɔɔɔdi bɔlɔ na lɛ́lɔ-nwu.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Marko 6:3

Ɔɔɔdi anwu ndi Maria ubidi ɔni ndi ligyii ɔnwine? Munuu ɔɔɔdi Yakobo ku Yose ku Yuda ku Simon banwani na ɔdi? Na nwuna banwani belekubi lɛnɔ nkya mɛni!” Anwuɔsu bekyuli bamɛni béni-nwu.

Luka 4:22

Na nwuna etemila ani na ɔɔsu áda-ma kayi geen, na kalɛ na unyemi lɛnɔ ɔɔta-nwu útakɔsi na ɔ́bla-ma dɛye dɛye. Na béye lɛlɔ banini, “Ɔɔɔdi Yoseƒ ubidi ɔmmɔ na ɔdi mɛni yoo?”

Yohane 6:42

Anwuɔsu béye banii, “Ɔɔɔdi Yesu ɔmɛni ndi Yoseƒ ubidi yoo? Bɔgyi ɔti ku uni. Dɛ na ɔ́bla na ɔɔsu ɔnii, ‘Katɔ na lɛ́si líbo’?”

Yohane 7:15

Ala bɔtina bɔmɛni bɔ́bla Yudaƒuɔ bammɔ dɛye dɛye, na baasu banii, “Wɛ na kebi kamɛni kásiku lɛlati lɛmɛni udu ka útesie ala katɛyakɔ kadi?”

Yohane 9:29

Bɔgyi ka Katɔti ɔ́tɛmiku Mose. Na ukyuli ɔmmɔ anwu ni, bɔɔɔgyi kesii kani na ɔ́si muedi!”

Batalane Kabla 8:33

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo?”