Yohane 7:17 - Katɔti Ɔku Kedee

¹⁷ Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Yohane 7:17 ပူးပေါင်းရင်းမြစ်များ

Kɔgya 119:10

Mɔɔkya ɔkplu ka liti mina ɔyikun ƒui lɛbla ƒula kabla. Anwuɔsu gyumana-mi kalɛ na neeenwini kama naaakya ƒula ɔda bubo kudii.

Kɔgya 25:12

Bekyuli bani mɔɔyia Unwoti ni, ama na ɔɔtina ulu ɔni lɛlɔ na badubɔsia.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Agba 3:32

Bekyuli bekpidi bammɔ ala eesé Unwoti lɛlɔ geen. Nsu bekyuli bani nse siin ni, ulábɛla-ma nwuna kasusu.

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Daniel 12:10

Bekyuli pii badubɔda bana ngba sɛɛn na babla bana kɔyi lɛnɔ kedee. Nsu bekyuli bekpidi ama ni, bana likyulikpi ala bɔbla lɛlɔ kani na badubo bunye, na baaadubo ɔmɛni kalɔ bunu kudii. Banundane kani ndubo kalɔ bunu.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Mateo 6:22

“Anumi ese aani asogya ute ɔlɔna. Na si ƒula anumi aanu nwaa ni, bukeye bɔdubɔƒɔ awɔ ukyuli umodi ɔmmɔ ƒui.

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Yohane 3:21

Nsu ukyuli biala ɔni nda nwuna ngba na ulu lɛlɔ geen ni, ɔɔkpɛ́ teede bukeye. Ɔsika ɔɔwia ka bukeye bɔmmɔ budie nwuna Katɔti bɔsiaku ablala atina.”

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Yohane 8:47

Ukyuli ɔni ndi Katɔti ɔdi ni, anwu muunú ala ani na Katɔti ɔɔsu. Na lɛla lɛni ɔsu na bilabla taasiaku mina litemi lɛlɔ ndi ka bɛɛɛdi Katɔti ɔdi.”

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.