Yohane 6:9 - Katɔti Ɔku Kedee

⁹ “Okloƒu ɔdi ulie mɛni na ɔda kakpa bodobodo ɛlɔ ku kɔkpaku inyɔ. Nsu bi na ɔmɛni ɔdubɔbla bekyuli pii bamɛni?”

Yohane 6:9 ပူးပေါင်းရင်းမြစ်များ

Baga 1 4:28

Na lɛni kani na beeboku bapɔnkɔ bani mɔɔní kɛɛkɛ mmɔ alakpi ku bapɔnkɔ bamba ku alakpi ani lɛlɔ na batɛ kalɛ na ɔdi ka ɔdi biala ute.

Baga 2 7:1

Amu na Elisa údie kenye ɔ́su-nwu ɔnini, “Se kɔtu na enu lɛla lɛni na Unwoti ɔɔsu. Kɔnaadi ɔƒaalɛ bene ni, ɔlaaƒɔ ntu ɔɔƒɛɛ ɔnidi bɔkɔku maatɛ ɔni mabla aani kalaku kenwi bɔkɔku kuye kɔdubɔbla sika ɔƒualadi ebi alɔ na Samaria ɔban kenye.”

Kɔgya 147:14

Ɔ́ya bɛ́kɛ atu bɔyɔ ɔ́ka ɔ́mana ƒula ntɛ mmɔ. Na anta ku kamu káƒɔ ɔma ɔmmɔ kemmo.

Kɔgya 78:19

Bátɛmi enyenkpi bákya Katɔti na béye muedi banini, “Katɔti ɔdubɔkana na ute-bu adila na bɔdi na kalɔ kakwiidi kemmo mɛni?”

Kɔgya 78:41

Bákɔku-nwu bánu kɔlɛ kɔlɛ na bákya anwu Israel Katɔti ɔni nse kedee ƒui kɔnyi.

Kɔgya 81:16

Nsu amii ni, ndubute-mii adila ani ndia ntulo ƒui ku alakpi akɔ uwɔ na bɛdi bimo.”

Esekiel 27:17

“ ‘Na Yuda ku Israelƒuɔ béti kakpa edula ku egyiibi lidu béboku-ɔ ku uwɔ ku nnɔ ku kutu akyala lidu bábavumanaku ƒula eyedila.

Mateo 14:17

Batɛyane bammɔ básu-nwu banini, “Adila ani bubo kani ndi bodobodo ɛlɔ ku kɔkpaku inyɔ.”

Mateo 16:9

Bilényimo kalɛ na líti bodobodo ɛlɔ líte banana mpim ɛlɔ na bádi bémo ku kɔgyigyɛ ɛlɛ kɔni na kɔkɛ kɔmmɔ kúyi?

Marko 6:38

Amu na Yesu úye-ma ɔnini, “Bodobodo ɛlɛ nkya-mii ala akɔ? Bisie bitánu.” Amu ka bésie bátánu ni, básu-nwu ka, “Bodobodo ɛlɔ ku kɔkpaku inyɔ lɛti pɛ nse.”

Marko 8:19

Bítanu uwi ɔni na lɛ́ƒɛ bodobodo ɛlɔ líte nkyuli mpim ɛlɔ na bádi? Kɔgyigyɛ ɛlɛ na kɔkɛ wɛlɛ wɛlɛ kɔni nébu kúyi?” Básu-nwu banii, “Kɔgyigyɛ leevu-inyɔ.”

Luka 9:13

Amu na Yesu ɔ́su-ma ɔnini, “Amii alati bite-ma lɛla lɛdi na badi.” Mmɔ na básu-nwu banii, “Adila ani ƒui na bɔda mɛni ndi bodobodo ɛlɔ ku kɔbɛ inyɔ. Aawia ka busie butéye adila bute bekyuli pii bamɛni?”

Yohane 11:21

Mmɔ na Marta ɔ́su Yesu ɔnini, “Blɔti, si bɔkya na akya mɛni ni, nka mina ɔnwani útekpi!

Yohane 11:32

Uwi ɔmɛni lɛlɔ ni, Maria úubo úbedu Yesu kudɔ. Na uwi ɔni na ɔ́nu Yesu ni, mmɔ kani na ɔ́yu úwi Yesu lɛgba akɔ na ɔ́su-nwu ɔnini, “Blɔti, si bɔkya na akya mɛni ni, nka mina ɔnwani útekpi.”

Yohane 21:10

Amu na Yesu ɔ́su-ma ɔnini, “Biti bina kɔbɛ kɔni na bídie ɔƒaani mmɔ kɔdi biboku.”

Yohane 21:13

Na ka Yesu ɔ́lɔ-ma ɔnii babadi ni, ɔ́kpɛ úde adila ammɔ na úti bodobodo ɔmmɔ na úti úte-ma. Lɛni kani na ɔ́bla kabɛ kammɔ lɛnɔ.

Yohane 21:9

Ka báyu ɔkɔlɔ kemmo bébo kalɔ ni, bánu aƒɛ ogya ɔdi na ɔdaku bɔda. Na kɔbɛ kɔdi kɔsia ogya ɔmmɔ lɛlɔ, na bodobodo ɔdi lɛnɔ use mmɔ.

Yohane 6:11

Amu na Yesu úti bodobodo ɔmmɔ na ka ɔ́gya Katɔti enu ni, úle-nwu úte bani ƒui nlie kalɔ mmɔ. Lɛni kani na úti kɔkpaku lɛnɔ úle úte-ma kalɛ na baawia na bádi bémo.

Yohane 6:7

Amu na Ƒilipo údie kenye ɔnini, “Nkyuli eti ene limeyi lɛyuƒɔla muedi nwuna bodobodo uledu na bekyuli bamɛni ƒui bakɛ badi blii blii!”

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Lɛkpa Ulu 32:14

Ɔ́ya na bana ɔmantɛ bakɔ ku bese bákɛ anyi ntu pii. Na bebo baƒonu ku bese ku ɔmantɛ bakɔ bani ndia ntulo. Na bákɛ edula abuni, na bákɛ ntɛ bɔni mɔɔda ɔkwɛ geen.

Lɛkpa Ulu 8:8

Na kalɔ kammɔ lɛlɔ ni, edula ebi aani anta ku kakpa ku ana lidu pii lɛkya ku egyiibi bamba lidu ku nnɔ egyii ku uwɔ.

Budie Taatina 6:6

Línu ka kɔku kɔdi kɔ́si ngba batu ine bammɔ kudɔ aani ukyuli butemi, na lɛdi lɛmmɔ lɛ́su lɛnini, “Ya na kamu kalaku kenwi kuye kɔkɔ kutédu limeyi lɛyuƒɔla, na antabi kɔlaku ɛtɛ kuye lɛnɔ kɔkɔ kutédu limeyi lɛyuƒɔla. Nsu tavumana nnɔ iye ntɛ bɔmmɔ kuye!”