Yohane 6:7 - Katɔti Ɔku Kedee

⁷ Amu na Ƒilipo údie kenye ɔnini, “Nkyuli eti ene limeyi lɛyuƒɔla muedi nwuna bodobodo uledu na bekyuli bamɛni ƒui bakɛ badi blii blii!”

Yohane 6:7 ပူးပေါင်းရင်းမြစ်များ

Baga 2 4:43

Mmɔ na nwuna kabla ɔblane úye-nwu ɔnii, “Dɛ na ndubo ala blii amɛni buti bute nkyuli eti anyɔ nnii badi?” Nsu Elisa ɔ́su-nwu ɔnini, “Awɔ ti te bekyuli bammɔ na badi, ɔsika lɛni na Katɔti ɔɔsu ɔnini, ‘Badubɔdi na adi muedi ebu.’ ”

Mateo 18:28

“Amu ka ɔnana ɔmɛni ɔ́lɛ ni, útánu nwuna kabla ɔblane ɔkpana ɔni nda-nwu abuli atɛ lɛyuƒɔla kayu. Amu na úƒie-nwu na ɔ́da-nwu limɔ ɔ́mana momoomo na ɔ́su-nwu ɔnini, ‘Ƒɔ-mi kayu kani na ada-mi!’

Marko 6:37

Yesu ɔ́su-ma ɔnini, “Amii bite-ma lɛla lɛdi na badi.” Amu na básu-nwu banini, “Ɔmmɔ ɔdubɔƒɔ aani ukyuli abuli maane lɛyuƒɔla! Aayɔ́ ka bubile ɔmɛni na bodobodo lɛti pɛ lɛlɔ bute bana bɔdi?”

Yohane 1:43

Kadi kégye ni, Yesu ɔ́bla kasusu ka uteesie kalɔ kani baalɔ banii Galilea. Na ka ɔkɛ ulu ni, ɔ́nu ukyuli ɔni baalɔ Ƒilipo, na ɔ́su-nwu ɔnini, “Bo, na abasiaku-mi.”

Yohane 1:44

Na Ƒilipo lɛnɔ ɔ́si Betsaida ɔni ndi Andrea ku Simon ɔma.

Yohane 1:45

Ɔƒɛni ni, Ƒilipo ɔ́gyu ɔ́tɔlɔ útáwia Natanael. Na ɔ́su-nwu ɔnini, “Abu bɔ́nu ukyuli ɔni geen lɛlɔ na Mose ku kenye bediene bénweni ala básiku-nwu lɛlɔ bése na Bunweni Kedee Ɔku kemmo! Anwu ndi Yoseƒ ubidi Yesu ɔni nási Nasaret!”

Yohane 1:46

Natanael údie kenye ɔnini, “Dɛ! Bɔsi na lɛla lɛbuni lɛdi lɛdubɔsi Nasaret ntu?” Ƒilipo ɔ́su-nwu ɔnini, “Awɔ bo, na abanu!”

Yohane 1:48

Natanael úye-nwu ɔnini, “Dɛ na ábla na agyi ukyuli ɔni udu na ndi?” Yesu údie kenye ɔnini, “Mɔɔnu-ɔ kukuuku na kɔdingyii kɔni kalɔ na eli asa na Ƒilipo úbo úbalɔ-ɔ.”

Yohane 12:5

“Bi ɔsu na nka búteti nnɔmii bɔmɛni búteye na bɔkɛ aani nkyuli eti aku limeyi lɛyuƒɔla na buti egulabi ammɔ bute bawabane?”