Yohane 6:62 - Katɔti Ɔku Kedee

⁶² Amu dɛ na wabla-mii si banii bɛ́nu ka ami Ukyuli Ɔyawine Ubi lɛ́kɔ lísela katɔ kesii kani na nka nli?

Yohane 6:62 ပူးပေါင်းရင်းမြစ်များ

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Luka 24:51

Na uwi ɔni kani na uute-ma kusɛ kusɛ mɛni ni, ɔ́tɔlɔ-ma kudɔ na Katɔti úti-nwu úsienku katɔ.

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 6:42

Anwuɔsu béye banii, “Ɔɔɔdi Yesu ɔmɛni ndi Yoseƒ ubidi yoo? Bɔgyi ɔti ku uni. Dɛ na ɔ́bla na ɔɔsu ɔnii, ‘Katɔ na lɛ́si líbo’?”

Yohane 6:53

Amu na Yesu ɔ́su-ma ɔnini, “Mɔɔsu-mii geen ka ni, si bítadi ami Ukyuli Ɔyawine Ubi ɔlɔna na bɛni mina ubugya ni, biiibo ngba bɔdi na bina lɛlɔ kemmo.

Batalane Kabla 1:9

Na ɔmɛni bɔ́su kama ni, Katɔti úti-nwu ɔ́kɔliku katɔ na benye baanu-nwu útédu ka úduo kemmo na ɔ́yii-ma anumi.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.