Yohane 6:56 - Katɔti Ɔku Kedee

⁵⁶ Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Yohane 6:56 ပူးပေါင်းရင်းမြစ်များ

Kɔgya 90:1

O Unwoti, ƒula kudɔ ndi bula kaba bekyuli keliekɔ ɔ́si kukuuku ƒui.

Kɔgya 91:1

Ukyuli ɔni nli Katɔti Ɔyikune Ƒui kudɔ na ɔɔgyumana-nwu na Unwoti Ɔyikune Ƒui ɔmmɔ ɔ́kya-nwu ɔyuli ni,

Kɔgya 91:9

Ka ƒula anu asia Unwoti lɛlɔ na eli-nwu kudɔ na áya na ɔ́bɛla-a ɔsu ni,

Kɔnyana Buwulo 3:24

Na mina kayi ɔkwalɛ kemmo ƒui ni, mɔɔsu lɛlɔ geen nnini, “Unwoti kani ndi ukyuli ɔni mɔɔwia. Na nwuna lɛlɔ kani na ndubukpo kama!”

Yohane 14:20

Si limeyi lɛmmɔ lídu ni, bɛdubɔti ka ami nliku mina Ɔti, na amii biliku-mi aani kalɛ na ami lɛnɔ nliku-mii.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 6:55

Ɔsika mina ɔlɔna ɔdi adila geen na mina ubugya lɛnɔ ɔdi lɛla lɛnidi geen.

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Yohane 1 2:24

Bɛnu kaduɛ na bɛya na ala ani na bínu ɔ́si kalɔ kesekɔ mmɔ áƒɔ-mii lɛlɔ kemmo ƒui. Na si bɛda-nya kaduɛ ni, bɛdubulieku Ubidi ku Ɔti ɔmmɔ ƒui uwi biala.

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Budie Taatina 3:20

Binu! Nnye kayakun muubó kɔnu. Na si ukyuli ɔdi únu-mi lɛdi na ɔ́lɛmi úte-mi ni, ndubuduo-nwu kudɔ na ami ku-nwu bɔsala bɔdi.