Yohane 6:52 - Katɔti Ɔku Kedee

⁵² Ɔmɛni ɔsu Yudaƒuɔ bammɔ bésie kalɔ baakya unyeƒi kpakplaa na ama alati akɔ banini, “Dɛ na ukyuli ɔmɛni wakana-bu nwuna ɔlɔna buti bute ɔnii bɔdi?”

Yohane 6:52 ပူးပေါင်းရင်းမြစ်များ

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 10:19

Na Yesu etemila amɛni ɔsu ni, bule bɔ́sɔ búduo Yudaƒuɔ bammɔ ƒui ntɛ.

Yohane 3:4

Amu na Nikodemo úye-nwu ɔnini, “Bi na aasu? Dɛ na ukyuli ɔni náabi lɛlɔ wasɔ wetéduo uni kaƒɔ kemmo na basɔku-nwu bawɔ?”

Yohane 3:9

Amu na Nikodemo úye-nwu ɔnini, “Dɛ na ɔmɛni udu ɔɔlɛ́?”

Yohane 4:11

Uleku ɔmmɔ úye-nwu ɔnini, “Ɔbune, na ka eeebo lɛla lɛni na eti edu-mu edie na libiɔ lɛmɛni lɛnɔ lɛ́gyu ni, wɛ na adubo ntu bɔni mɔɔgbá na buute ngba mmɔ bɔkɛ?

Yohane 6:41

Amu na Yudaƒuɔ bammɔ bése kalɔ baatɛmi teewi-nwu, ɔsika ɔ́su ɔnii, “Ami ndi adila ani nási katɔ líbo” ɔsu.

Yohane 6:60

Ka nwuna basiakune pii bénu ɔmɛni ni, básu banii, “Litemi lɛmɛni kalɔ bunu bubo ɔkplu geen, énu! Ɔma ndubɔkana na use atu unu lɛmɛni?”

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.

Batalane Kabla 17:32

Nsu uwi ɔni na bénu ka Paulo ɔ́tɛmi ɔ́siku bɔsɔ taata lɛlɔ ni, bana akɔ badi báma-nwu. Na badi lɛnɔ básu banini, “Bɔsɔ bɔɔyɔ́ ka bunu etemila adi bɔsiku ukyuli bɔsɔ taata lɛlɔ.”

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.