Yohane 6:39 - Katɔti Ɔku Kedee

³⁹ Na ukyuli ɔni nátala-mi lɛƒɔyɔ ndi ka bekyuli bani ƒui na úte-mi ni, naaayila bana akɔ ɔdi, mmomu kalɛ na lɛgyila-ma na bana ƒui basɔ bata bebelie ngba na limeyi likplodi lɛlɔ.

Yohane 6:39 ပူးပေါင်းရင်းမြစ်များ

Yeremia 23:4

Na muusé kenye ka ndubɔƒuna batɔnkune bani manu-ma lɛlɔ kaduɛ aani baƒonu badane babuni lite-ma. Na mina bekyuli bammɔ badubɔsa belie mmɔ na basɔ balayia lɛla lɛdi.

Mateo 10:15

Mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu lɛma likpidi aani Sodom ku Gomora kɔnyana utulo ɔma ɔmmɔ.

Mateo 18:14

Lɛni kani na bina ɔti ɔni nkya katɔ ulawia ka banamu wɛlɛ wɛlɛ bamɛni ɔdi ɔyii.

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Yohane 17:6

“Lɛ́ɛya na bekyuli bani na áƒuna álɛku kayawi bekyuli akɔ éte-mi báti-ɔ. Awɔ ɔdi na badi, na éti-ma éte-mi. Bádi ƒula etemila ƒui lɛlɔ.

Yohane 17:9

Mɔɔkpali katɔ na bana lili, na ɔɔɔdi kayawi bekyuli ƒui lili. Mmomu bani na éti éte-mi lili, ɔsika awɔ ɔdi na badi.

Yohane 18:9

Na Yesu ɔ́su ɔmɛni kalɛ na ala ani na ɔ́su úbavi ebo ete lɛni uwi ɔni na ɔ́su ɔnii, “Ati, bekyuli bani ƒui na éte-mi ni, ńtayila bana akɔ ɔdi.”

Yohane 5:28

“Ɔmɛni utabla-mii kalɛ kadi. Ɔsika uwi ɔdubo ɔni na bekyuli bani nékpi ƒui badubunu-mi lɛdi.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Yohane 6:44

Ukyuli ɔdi ulakana-mi kudɔ bubo si ɔɔɔdi Ati ɔni nátala-mi náya na ɔ́ni úde-mi. Na ndubɔgyila-nwu na limeyi likplodi lɛlɔ.

Yohane 6:54

Ukyuli ɔni mɔɔdi mina ɔlɔna na ɔɔní mina ubugya ni, anwu muulie ngba bɔni nsɔ naaadubo bɔsa kudii. Na ndubɔgyila-nwu na limeyi likplodi lɛlɔ.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Korintoƒuɔ 1 6:14

Katɔti ɔ́gyila Blɔti ɔ́lɛku bekpine akɔ, na ɔdubɔgyila abu lɛnɔ ku nwuna ɔyikun.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Samuel 1 25:29

Unwoti ƒula Katɔti ɔdubɔƒɔ-ɔ na ƒula bekisine enu kemmo ina ka basiaku-ɔ banii baadú-ɔ. Na Unwoti ɔmmɔ ɔlati ɔdubɔyila-ma ngba kɔnakunwi, utulo kalɛ na adubɔkya lɛtabi na kavwinvwi kemmo eƒwimi.