Yohane 6:32 - Katɔti Ɔku Kedee

³² Mmɔ na Yesu ɔ́su-ma ɔnini, “Mɔɔsu-mii geen nnii ɔɔɔdi Mose néte-mii adila ani nási katɔ. Mmomu mina Ɔti ni, anwu muute adila geen ani nási katɔ ébo.

Yohane 6:32 ပူးပေါင်းရင်းမြစ်များ

Kɔgya 78:23

Nsu ɔmmɔ ƒui ni, Katɔti údie lɛdi na kayaa kálɛmi aani kayakun kalɛ.

Israelƒuɔ Bɔlɛ 16:4

Amu na Unwoti ɔ́su Mose ɔnini, “Ndubɔya na adila ataana taasi katɔ teete-mii aani ɔnantu. Na limeyi ndi limeyi ni, ya na bekyuli bammɔ balɛ na batála kalɛ kani medu-ma bɔdi limeyi kenye. Na ɔmɛni ndubuti bɔkɔku-ma bɔnu si badubo mina ɔda bubo lɛlɔ bɔdi.

Israelƒuɔ Bɔlɛ 16:8

Amu na Mose ɔ́sɔ ɔ́su-ma ɔnini, “Bɛdubɔti ka anwu ndi Unwoti si uwi ɔni na úte-mii lɛna na bɛ́kun useyi, na úte-mii bodobodo ɔni ƒui na bɛɛwia na bɛ́di ɔtanta, ɔsika únu kalɛ na bíti kɔnyi kemmo bɛɛsu etemila teewi-nwu. Bi na abu bɔdi? Ɔɔɔdi abu na bɛɛdɔnku, mmomu Unwoti.”

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Yohane 15:1

Ami ndi kɔdingyii kɔbuni, na mina Ɔti ndi kugyii kɔmɛni lɛlɔ ɔnune.

Yohane 6:31

Bula bati kuuku bádi adila ani baalɔ banii manna na ketele kemmo aani kalɛ na ɔkya Bunweni Kedee Ɔku kemmo banii, ‘Úte-ma adila ɔ́siku katɔ na bádi.’ ”

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Yohane 6:41

Amu na Yudaƒuɔ bammɔ bése kalɔ baatɛmi teewi-nwu, ɔsika ɔ́su ɔnii, “Ami ndi adila ani nási katɔ líbo” ɔsu.

Yohane 6:50

Nsu adila ani nási katɔ áyu ébo ni, adi adila ani udu na ukyuli biala ɔni madi-nya ni, ulekpi.

Yohane 6:55

Ɔsika mina ɔlɔna ɔdi adila geen na mina ubugya lɛnɔ ɔdi lɛla lɛnidi geen.

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.