Yohane 6:31 - Katɔti Ɔku Kedee

³¹ Bula bati kuuku bádi adila ani baalɔ banii manna na ketele kemmo aani kalɛ na ɔkya Bunweni Kedee Ɔku kemmo banii, ‘Úte-ma adila ɔ́siku katɔ na bádi.’ ”

Yohane 6:31 ပူးပေါင်းရင်းမြစ်များ

Nehemia 9:15

Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Kɔgya 105:40

Belusiene bamɛni béye Unwoti adila na úte-ma baasɛ ku bodobodo ɔ́siku katɔ na bádi bémo.

Israelƒuɔ Bɔlɛ 16:35

Na Israelƒuɔ bádi manna ɔmɛni akwa aavlene sɔɔn úti útédu ka bédu Kanaan kalɔ ɔmii lɛlɔ.

Yohane 6:32

Mmɔ na Yesu ɔ́su-ma ɔnini, “Mɔɔsu-mii geen nnii ɔɔɔdi Mose néte-mii adila ani nási katɔ. Mmomu mina Ɔti ni, anwu muute adila geen ani nási katɔ ébo.

Yohane 6:49

Bina bati kuuku bádi adila ani baalɔ banii manna na ketele kemmo, nsu békpi.

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Korintoƒuɔ 1 10:3

Bana ƒui bádi Kɔyu kemmo adila enwi pɛ ammɔ.

Lɛkpa Ulu 8:3

Anwuɔsu ɔ́ya na kɔka kɔ́da-mii na úte-mii adila ani baalɔ banii manna ɔ́siku Katɔ na bɛ́di. Na adila ammɔ udu ni, bina bati kuuku iye amii bina ɔdi útanu-nya kudii. Ɔ́bla ɔmɛni ɔ́tina-mii na biti bɛtɛya ala ka ɔɔɔdi lɛdila lɛti pɛ muute ukyuli ngba. Mmomu litemi biala na lɛ́si Katɔti kudɔ lɛlɔ bɔdi muute ngba geen bɔmmɔ.

Yosua 5:12

Na ɔ́si uwi ɔmmɔ kama ni, adila ani naasí katɔ na baalɔ-nya banii manna áda bɔna aya. Na Israelƒuɔ básɔ bátadi ɔdi kudii. Na edula ani kani nkya Kanaan kalɔ lɛlɔ kani na baadi.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”