Yohane 6:29 - Katɔti Ɔku Kedee

²⁹ Amu na Yesu údie kenye ɔnini, “Lɛla lɛni na Katɔti ɔɔwia ka bɛbla ndi ka bɛƒɔ ukyuli ɔni na ɔ́tala bɛdi.”

Yohane 6:29 ပူးပေါင်းရင်းမြစ်များ

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Marko 16:16

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Yohane 6:28

Mmɔ na bekyuli bammɔ béye Yesu banini, “Bi na ɔlɛka bɔbla si bɔnii bɔɔbla kabla kani na Katɔti ɔɔwia?”

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yohane 6:57

Kalɛ na Ati ɔni nli ngba ɔ́tala-mi na ɔkɛnku anwu ɔsu na nli ngba ni, lɛni kani na ukyuli ɔni mɔɔdi mina ɔlɔna lɛnɔ welie ngba ɔkɛnku ami ɔsu.

Batalane Kabla 16:31

Amu na básu-nwu banini, “Ƒɔ Blɔti Yesu Kristo di, na adubɔkɛ bɔƒɔ, awɔ ku ƒula kaduli bekyuli ƒui.”

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Yakobo 2:22

Bilánu taati ka nwuna bɔƒɔtaadi úti ɔ́salaku lɛla lɛni na ɔ́bla? Na kabla kammɔ náya na nwuna bɔƒɔtaadi bɔmmɔ bɔ́bla bɔbuni bɔ́wɔlɔ?

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Budie Taatina 2:26

“Na ukyuli ɔni madi ekpidi lɛlɔ na wenye kpakplaa wetédu kawɔlɔkɔ ni, ndubute-nwu ɔyikun aani kalɛ na lɛ́ƒɔ lɛ́siku mina Ɔti kudɔ na ɔdubɔdi kadi ƒui lɛlɔ. Bénweni bése banii, “ ‘Ɔdubɔdi-ma lɛlɔ ku ɔyikun kpakplaa na ɔbwɛ-ma uwi kalɔ kpɛtɛ kpɛtɛ aani ebui kalɛ.’