Yohane 6:27 - Katɔti Ɔku Kedee

²⁷ Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 6:27 ပူးပေါင်းရင်းမြစ်များ

Kɔgya 2:7

Ɔmmɔ kama ni, Ɔga Ɔƒunadi ɔmɛni ɔ́su ɔnini, “Ndubɔkɔ lɛsa na Unwoti lɛla lɛni na úse kenye úte-mi lɛlɔ ɔnini, ‘Awɔ ndi mina ubi. Na ɔmwi ni, línwini-ɔ ɔti.

Kɔgya 40:7

Mmɔ na lɛ́su nnini, “Ati, aanu-mi. Líbo nnii mbabla ƒula lɛƒɔyɔ aani kalɛ na bénweni básiku-mi lɛlɔ na Bunweni Kedee Ɔku kemmo.

Agba 9:5

“Bibo na bibadi mina adila na bɛni mina ntɛ bɔni na lɛ́sala líse.

Etemila 6:7

Kenye bɔdi kani na ukyuli ulie uususu lɛlɔ teete nsu ala eledu-nwu ɔkwɛ kudii.

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Habakuk 2:13

Nsu Unwoti Ɔyikune Ƒui ɔɔkyula ala ani na kayawi bekyuli bébo abi kpakplaa bábla bése.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Mateo 6:19

“Bitatɛ akɛla bitese bitete lɛlɔ na kayawi kamɛni kemmo. Kayawi mɛni ni, kubweyi kɔdububile-nya na etili, na beyune lɛnɔ beduo beyu-nya.

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Marko 1:11

Na lɛdi lɛdi lɛ́si Katɔ lɛɛsu lɛnii, “Awɔ ndi mina ubi ɔni náƒɔ-mi kuye, na kubiti kɔɔda-mi ƒula lɛlɔ.”

Marko 9:7

Amu na ɔdi úbewi bana ƒui lɛlɔ, na lɛdi lɛdi lɛ́su lɛnini, “Ɔmɛni ndi mina ubi ɔyɔne. Bise atu na binu-nwu litemi!”

Luka 3:22

Na Katɔti Kɔyu kɔ́yu kúbo kúbelie-nwu lɛlɔ aani abloduma kalɛ. Amu na bénu Katɔti lɛdi ka lɛ́si katɔ lɛnini, “Awɔ ndi mina Ubi Ɔyɔne. Aaƒɔ́-mi anu geen.”

Luka 9:35

Amu na bénu Katɔti lɛdi na ɔmmɔ kemmo ka lɛɛsu lɛnini, “Ɔmɛni ndi mina Ubi Ɔƒunadi. Binu-nwu litemi!”

Yohane 10:28

Mɔɔyá na beelie ngba bɔni nsɔ naaadubo bɔsa kudii, na balayii ku udu. Na ukyuli biala ulakana-ma buƒie bɔƒɔ na mina kɔnu kemmo.

Yohane 11:42

Na ngyi ka aatuna teete-mi uwi biala kemmo. Nsu bekyuli bani nnye mɛni ɔsu na nsɔ mɔɔsu ɔmɛni kalɛ na baƒɔ badi ka awɔ nátala-mi.”

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 3:15

kalɛ na ukyuli biala ɔni maƒɔ-mi madi ni, ɔkɛ ngba bɔni nsɔ naaadubo bɔsa kudii.

Yohane 3:33

Bani mɔɔƒɔ́-nwu taadi ni, beedie taatina nwaa ka ala ani na Katɔti ɔɔsu ni, anya ndi litemi geen.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:53

Amu na Yesu ɔ́su-ma ɔnini, “Mɔɔsu-mii geen ka ni, si bítadi ami Ukyuli Ɔyawine Ubi ɔlɔna na bɛni mina ubugya ni, biiibo ngba bɔdi na bina lɛlɔ kemmo.

Yohane 6:54

Ukyuli ɔni mɔɔdi mina ɔlɔna na ɔɔní mina ubugya ni, anwu muulie ngba bɔni nsɔ naaadubo bɔsa kudii. Na ndubɔgyila-nwu na limeyi likplodi lɛlɔ.

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Yohane 6:62

Amu dɛ na wabla-mii si banii bɛ́nu ka ami Ukyuli Ɔyawine Ubi lɛ́kɔ lísela katɔ kesii kani na nka nli?

Yohane 6:68

Amu na Simon Petro údie kenye ɔnini, “Blɔti, ɔma kudɔ na búnwini búsela? Awɔ nda ngba bɔni nsɔ naaadubo bɔsa kudii etemila.

Yohane 8:18

Na ami ndi bana akɔ unwi ɔni muudie lɛlɔ kenye. Na Ati ɔni nátala-mi ndi unyɔdi.”

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Korintoƒuɔ 1 6:13

Ukyuli bamba lɛnɔ ɔdubɔkana na ɔsu ɔnii, “Kaƒɔ ɔsu na bédie adila, na kaƒɔ na adila ese ete.” Sɔsɔ na ɔdi, nsu Katɔti ɔdubɔya na ana ƒui uwi ubavi. Na ɔɔɔdi ka buti bula ɔlɔna butaabla kɔsɔnɔ bɔdi ala. Mmomu ɔdi ka buti butaabla Blɔti kabla. Na anwu ɔdubute ɔlɔna ɔmmɔ lɛla lɛni námanku-nwu.

Korintoƒuɔ 1 9:2

Si ina badi balaƒɔ-mi aani Blɔti ɔtalane ni, amii bɛ́ƒɔ-mi lɛni. Na kalɛ na bɛ́bla unwi ku Blɔti ni, ɔmmɔ lɛti pɛ ɔ́ya na amii alati biidie ɔmɛni taatina nwaa ka ndi Blɔti ɔtalane.

Korintoƒuɔ 2 4:18

Ɔsika búti bula anu bɔ́sia ala ani na bula anumi alakana bɔnu lɛlɔ, na ɔɔɔdi ala ani na bula anumi aakana bɔnu. Na ala ani na bula anumi aakana bɔnu ni, uwi klukui ɔdi kani na anya aakya. Na ani na bula anumi alakana bɔnu ni, ese ésela uwi ƒui.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Lɛkpa Ulu 30:13

Iye bɛsu bɛnii, “Ɔda bubo bɔmmɔ bɔkya ɛpu kama kama ngye. Na ɔma ndubusie ɛpu kama kama mmɔ na utéti-mu uboku-bu kalɛ na bunu-mu na bɔdi-mu lɛlɔ?”

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Koloseƒuɔ 2:22

Ala ani ƒui bényimi na básu-mii banii bitabla mmɔ ni, asɔ eeebo kɔsia kɔdi uwi ɔni na ana uwi ɔ́vi. Na kasusu kani béti asa na bényimi ala ammɔ ni, kayawi kamɛni kani kemmo na lɛnunda lɛmmɔ lɛ́si.

Koloseƒuɔ 3:2

Na bina kasusu kataasia ala ani nkya katɔ mmɔ lɛlɔ, na ɔɔɔdi kalɔ ala lɛlɔ.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Hebriƒuɔ 12:16

Bɛnu kaduɛ kalɛ na lɛyalɛ ala elebile ɔdi kasusu iye ɔsɔ ulayia Katɔti aani kalɛ na Esau útayia ɔsu na úti nwuna linengu kadikɔ úye ɔ́vumanaku adila bɔdi kunwi pɛ.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Yakobo 1:11

Aanu si ɔƒɛ ɔ́tu na ɔɔbi ni, ɔɔyá na eveteli aayɛyɛ na ana anwula eewiile teewi kalɔ. Na ana bɔdia lɛnɔ bɔɔyii udu. Lɛni kani na ɔlakɛne kabla lɛnɔ kadububo kawɔlɔkɔ.

Petro 1 1:24

Na aani kalɛ na Bunweni Kedee Ɔku ɔmmɔ ɔɔsu ɔnii, “Bekyuli ƒui bese aani lɛku kemmo alakpi, na ukyuli bɔdia buse aani alakpi anwula. Alakpi aayɛyɛ na anwula aanú.

Petro 2 1:17

Na bunye mmɔ uwi ɔni na Katɔti úti ɔbu úte-nwu na ɔ́ya na uukeye ku uwi ɔni na Katɔti ɔmmɔ lɛdi lɛ́si katɔ na nwuna lɛgadi bukeye kemmo lɛnini, “Ɔmɛni ndi mina Ubi ɔni mɔɔƒɔ́-mi anu.”