Yohane 5:45 - Katɔti Ɔku Kedee

⁴⁵ “Nsu bitakali bɛnii ami ndubo-mii kɔtɔ bɔdu na mina Ɔti kudɔ! Mose ɔni ɔda bubo lɛlɔ na bibo katɔ busie lɛnunsia ni, anwu mmomu ndubo-mii kɔtɔ bɔdu!

Yohane 5:45 ပူးပေါင်းရင်းမြစ်များ

Luka 16:29

“Amu na Abraham ɔ́su-nwu ɔnini, ‘Ƒula banwani bebo ala ani na Mose ku Katɔti kenye bediene bénweni bése. Na ɔdi ka benu na badi-nya lɛlɔ.’

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Yohane 7:19

Ɔɔɔdi Mose néte-mii ɔda bubo bɔmmɔ yoo? Nsu bina akɔ ɔdi uládi ɔda bubo bɔmmɔ lɛlɔ. Bi ɔsu na bɛɛwia ka bɛdu-mi?”

Yohane 8:9

Ka benengu bammɔ bénu lɛni ni, bágyu bátɔlɔ unwi unwi ɔ́si unengudi lɛlɔ. Na báda Yesu ku uleku ɔmmɔ lɛti bényene bekyuli bammɔ ntɛ.

Romaƒuɔ 2:12

Bekyuli bani ƒui nábla ekpidi na baaagyi Mose ɔda bubo ni, badubo bukpi bɔyii. Nsu Katɔti ulatɛku-ma litemi na ɔda bubo bɔmmɔ lɛlɔ. Na bani na bakya Mose ɔda bubo bɔmɛni kalɔ na bábla ekpidi ni, ɔkɛnku ɔda bubo bɔmɛni lɛlɔ na Katɔti ɔdubɔtɛku-ma litemi.

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”