Yohane 5:4 - Katɔti Ɔku Kedee

⁴ Ɔsika Katɔti ɔtu ɔdi uubo uwi uwi teebebwiile ntu bɔmmɔ. Na ɔlɛne udeedi ɔni néduo ntu bɔmmɔ kemmo na muna bubwiile kama ni, ɔlɛ ɔni na uuƒi mmɔ ɔɔba-nwu.

Yohane 5:4 ပူးပေါင်းရင်းမြစ်များ

Baga 2 5:10

Amu na Elisa ɔ́tala nwuna kabla ɔblane ɔnii utásu-nwu ɔnini, “Teesie na atákpi ntu na Yordan Ketu kemmo maatɛ na ƒula ɔlɔna ɔdubɔsɔ unwini ubo kalɛ na úse na abla sɛɛn.”

Kɔgya 119:60

Nsɔ naaakpɛ kama, mmomu ndubɔbabla na lɛdi ƒula etemila lɛlɔ.

Agba 6:4

Tatɛ litemi lɛmmɔ lɛlɔ talɛɛ na lɛlɛɛ biala litasia-a anumi.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Esekiel 47:8

Na ɔnana ɔmmɔ ɔ́su ɔnini, “Ntu bɔmɛni bɔ́gba bɔkɛ ɔƒɛ kanukɔ mɛni búsela Yordan Ketu ɔkwalɛ kemmo na bɔdubo kenye buti butákya Ɛpugyie kemmo kesii kani na ɔdubo mma ntu bɔmmɔ bunwini bɔbla ntu bɔbuni mamaama bɔni mɔɔdia bɔni.

Hosea 13:13

Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Sakaria 14:8

Na liwulu uwi ku kɔyɔ uwi ƒui ni, ntukpa bɔni mbo ntu buni bɔdubo butaagba taasi Yerusalem, na kakɛ kenwi kadubusie ketéduo Ɛpugyie kemmo na ɔƒɛ katukɔ na kakɛ kenwi ketéduo Mediterenia Ɛpu kemmo na ɔƒɛ kanukɔ.

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Luka 13:24

“Kya ɔkplu na asia kayakun kani nse blii suɛ kemmo eduo. Ɔsika bekyuli pii badubɔwia geen banii baasia mmɔ beduo, nsu balakana.

Luka 16:16

“Mose ɔda bubo ɔku ku Katɔti kenye bediene ala ani na bénweni bése ni, ábla kabla ábawɔ Ntu Ɔkpilane Yohane lebo. Na ɔ́si uwi ɔmmɔ lɛlɔ ni, biinú ka baasu litemi buni lɛni nkɛnku Katɔti lɛga kadikɔ lɛlɔ. Na ukyuli biala ɔɔnwanɛ lɛlɔ ka ɔkɛ nwuna ulu uduo Katɔti lɛga kadikɔ kammɔ kemmo.

Yohane 5:3

Mmɔ na balɛne pii badi bátaatɛ bani ndi banumbwɛne ku bekpulone ku lɛlɔ kakɛ kenwi bekpine. Na béteenye mmɔ taagya ntu bɔmmɔ bɔkunku bɔdi udu.

Yohane 5:5

Ukyuli ɔdi ɔtɛ mmɔ ɔni náatɛ ɔlɛ akwa avlaatɛ-maane sɔɔn.

Yohane 5:7

Ɔlɛne ɔmɛni údie kenye ɔnini, “Ati, liiibo ukyuli ɔni mebunku-mi na liduo lɛba lɛmmɔ kemmo si uwi ɔni na ntu bɔmmɔ bɔɔkunku. Si uwi ɔni na mɔɔkya ɔkplu ka liduo ni, ukyuli ɔdi ɔ́ɔka bɔgyu bɔtɔ butéduo kukuuku.”

Korintoƒuɔ 1 6:11

Lɛni na nka amii badi bíse. Nsu Blɔti ɔ́ƒɔ-mii ekpidi údie-mii lɛlɔ kemmo na ɔ́bla-mii kedee úte Katɔti. Na amii ku Katɔti ntɛ bɔ́sɔ bɔ́dia ɔkɛ Blɔti Yesu Kristo ku Katɔti Kɔyu ɔsu.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.