Yohane 5:39 - Katɔti Ɔku Kedee

³⁹ Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Yohane 5:39 ပူးပေါင်းရင်းမြစ်များ

Kɔgya 1:2

Mmomu lɛlɔ lɛɛyɔ́-ma ka bataadi Unwoti ɔda bubo lɛlɔ. Na beteeduo ɔda bubo litemi lɛmmɔ kemmo usien ku ɔƒɛ.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.

Kɔgya 16:11

Átina-mi ƒula ngba ulu, na ƒula kudɔ bɔkya bɔ́ya na mɔɔkɛ́ ebiti geen ku lɛlɔyɔ úsela uwi ƒui.

Kɔgya 21:4

Úvele-ɔ ngba, na éte-nwu ngba bɔni nsɔ naaadubo bɔsa kudii.

Kɔgya 36:9

Awɔ muute lɛla biala ngba. Na ƒula bukeye mɔɔyá na bɔɔnu nwaa.

Agba 6:23

Ɔsika ɔda bubo bɔmɛni bɔdi asogya, na ala bɔtina bɔmɛni bɔdi-ɔ bukeye. Na kalɛ na etemila amɛni aaklibi-ɔ na ati lɛlɔ bɔda ni, adi ulu ɔni lɛlɔ na adubɔsia na akɛ ngba.

Yesaia 34:16

Na Unwoti bunweni kedee ɔku kemmo ni, bénweni ka Unwoti ɔ́su ɔnini, “Ami násala bebweyi bamɛni ƒui ɔkɛnku mina Kɔyu ɔyikun lɛlɔ, na bana akɔ ina unwi ɔɔɔdubo bɔyii, na ɔdi lɛnɔ ulayila ɔgyani iye uledi.”

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Yeremia 8:9

Bina banundane béni mina etemila ani na lɛ́su, anwuɔsu basɔ beeebo lɛnunda lɛdi. Na ala ényimi-ma na kɔƒa kuukpó-ma na basɔ baaagyi lɛla lɛni na babla.

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Mateo 22:29

Yesu údie kenye ɔnini, “Bɛ́yii ulu ɔmmɔ geen! Ɔsika bilenu Bunweni Kedee Ɔku ɔmmɔ kalɔ, na bɛɛɛgyi lɛla lɛdi na Katɔti ɔyikun lɛlɔ.

Marko 10:3

Amu na Yesu lɛnɔ údie kenye na úye-ma ɔnini, “Bi ɔda bubo na Mose úte-mii?”

Marko 12:10

Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Luka 16:29

“Amu na Abraham ɔ́su-nwu ɔnini, ‘Ƒula banwani bebo ala ani na Mose ku Katɔti kenye bediene bénweni bése. Na ɔdi ka benu na badi-nya lɛlɔ.’

Luka 16:31

“Nsu Abraham ɔ́su-nwu ɔnini, ‘Si bétenu Mose ku Katɔti kenye bediene litemi ni, si ina ukyuli ɔdi ɔ́ta ɔ́si kekpine mɛni úsie-ma kudɔ muedi ni, baláƒɔ-nwu litemi!’ ”

Luka 24:25

Amu na Yesu ɔ́su-ma ɔnini, “Bɛ́dɔlɔ! Na bina bɔƒɔtaadi na ala ani na Katɔti kenye bediene básu-mii lɛlɔ bɔba!

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 1:45

Ɔƒɛni ni, Ƒilipo ɔ́gyu ɔ́tɔlɔ útáwia Natanael. Na ɔ́su-nwu ɔnini, “Abu bɔ́nu ukyuli ɔni geen lɛlɔ na Mose ku kenye bediene bénweni ala básiku-nwu lɛlɔ bése na Bunweni Kedee Ɔku kemmo! Anwu ndi Yoseƒ ubidi Yesu ɔni nási Nasaret!”

Yohane 5:32

Nsu ukyuli ɔdi lɛnɔ ɔkya ɔni muudie-mi kenye, na ngyi ka lɛla lɛni na ɔɔsu libo ɔkplu.

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 5:40

Nsu biiní ka bibo-mi kudɔ na lɛya na bɛkɛ ngba bɔmmɔ.

Yohane 5:46

Si bɔƒɔ na bɛ́ƒɔ Mose bɛ́di ni, nka bɛdubɔƒɔ-mi bɛdi! Ɔsika únweni ala ɔ́siku-mi lɛlɔ.

Yohane 7:52

Nsu bédie kenye béye-nwu banini, “Awɔ lɛnɔ Galilea na ási yoo? Duo lɛku kemmo na anu ati ka Katɔti kenye udiene ɔdi ulási Galilea.”

Batalane Kabla 13:27

Bekyuli bani nkya Yerusalem ku bana benengu bátanu Yesu bátati banii anwu ndi Ɔƒɔne ɔmmɔ. Nsu na nwuna bɔdu kemmo ni, báya na Katɔti kenye bediene linyese lɛni na baaká na lɛnwunameyi biala lɛlɔ líbo lɛni.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Batalane Kabla 26:27

Ati Agripa, áƒɔ Katɔti kenye bediene bamɛni ádi? Ngyi ka áƒɔ-ma ádi.”

Romaƒuɔ 1:2

Na Katɔti litemi buni lɛni na ɔ́su nwuna kenye bediene úse ka ɔdubudie keyi ni, bénweni-ni bákya Bunweni Kedee Ɔku kemmo.

Romaƒuɔ 3:2

Na lilu pii lɛlɔ ni, ɔdanku ala abuni. Kudeedi ni, Yudaƒuɔ enu kemmo na Katɔti úti nwuna Bunweni Kedee ɔ́kya.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.

Lɛkpa Ulu 29:29

Ala adi bene akya ani na bula Unwoti Katɔti úti ɔ́bɛla-bu. Nsu ɔda bubo etemila ese ete abu ku bula bebi ka bɔdi-nya lɛlɔ ɔ́si ɔƒɛni úsela uwi ƒui.

Lɛkpa Ulu 32:47

Na ala bɔtina bɔmɛni bɔɔɔdi etemila keeke. Mmomu bɔdanku bina ngba. Anwuɔsu bɛdi ɔda bubo bɔmmɔ lɛlɔ ɔni na bɛdubo Yordan Ketu bɔvia busie butéle kalɔ kani na béti beete-mii mmɔ lɛlɔ.”

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Hebriƒuɔ 11:35

Na beleku bani na bana bebi békpi ni, bana bebi bammɔ básɔ báta. Na babambadi ni, bátatuna ka bekyuli besusu-ma na kalala kemmo na bekpi. Ɔsika bátatuna ka balɛ bana Katɔti kama na bakɛ bɔnwuna na bekyuli bammɔ kemmo. Mmomu básu banii badubɔkɛ ngba bɔwɔdi bɔni ndia ntulo bɔmmɔ.

Yosua 1:8

Na tada ɔda bubo ɔku ɔmɛni kemmo etemila kalɔ budie teete bekyuli taya. Nu kaduɛ na eteeduo-nya kemmo usien ku ɔƒɛ. Kalɛ na eteenyimo na ataabla taasiaku etemila ani ƒui bénweni bákya ɔku ɔmmɔ kemmo. Na si aabla lɛni ni, ɔdubɔtɛku-ɔ na lɛla biala na aabla ni, lɛdubuse-ɔ kaduɛ.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”