Yohane 5:37 - Katɔti Ɔku Kedee

³⁷ Na mina Ɔti ɔni nátala-mi lɛnɔ údie kenye ɔ́tina-mii ɔ́si mina lɛlɔ ina ka bítenu-nwu lɛdi iye útedie lɛlɔ útatina-mii anumi ku anumi.

Yohane 5:37 ပူးပေါင်းရင်းမြစ်များ

Israelƒuɔ Bɔlɛ 20:19

Na básu Mose banini, “Si Unwoti úbo litemi lɛdi na wasu-bu ni, na ɔsu-ɔ na asu-bu. Na bulayɔ ka Unwoti ɔlati ɔtɛmi ute-bu. Si ɔɔɔdi lɛni bula ƒui bɔdubo bukpi.”

Yesaia 26:10

Si ina bi lɛƒɔndia na ábla belikplune ni, baaadubo bɔti kalɛ na baabla ala siin. Kesii kani na siin bɔbla bɔkya muedi ni, ama likpidi bɔbla lilu lɛlɔ kani na baasia uwi ndi uwi na balánu kalɛ na Unwoti úbomo na uukeye lɛnɔ taati.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Marko 1:11

Na lɛdi lɛdi lɛ́si Katɔ lɛɛsu lɛnii, “Awɔ ndi mina ubi ɔni náƒɔ-mi kuye, na kubiti kɔɔda-mi ƒula lɛlɔ.”

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Luka 3:22

Na Katɔti Kɔyu kɔ́yu kúbo kúbelie-nwu lɛlɔ aani abloduma kalɛ. Amu na bénu Katɔti lɛdi ka lɛ́si katɔ lɛnini, “Awɔ ndi mina Ubi Ɔyɔne. Aaƒɔ́-mi anu geen.”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 5:32

Nsu ukyuli ɔdi lɛnɔ ɔkya ɔni muudie-mi kenye, na ngyi ka lɛla lɛni na ɔɔsu libo ɔkplu.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 8:18

Na ami ndi bana akɔ unwi ɔni muudie lɛlɔ kenye. Na Ati ɔni nátala-mi ndi unyɔdi.”

Lɛkpa Ulu 4:12

Katɔti ɔ́tɛmi úte-mii ɔ́siku ogya ɔmɛni kemmo. Na bínu-nwu lɛdi bɛ́siku ogya ɔmmɔ kemmo, nsu bítanu-nwu udu biala bítati.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Yohane 1 5:9

Bɔɔƒɔ́ ukyuli kenye budie taadi bɔdi. Nsu Katɔti kenye budie na ulu ɔmmɔ lɛlɔ ni, bɔdia butulo. Ɔsika kenye budie bɔmmɔ bɔdi Katɔti ɔlati bɔdi na Ubidi lɛlɔ.