Yohane 5:24 - Katɔti Ɔku Kedee

²⁴ “Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 5:24 ပူးပေါင်းရင်းမြစ်များ

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Marko 16:16

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Yohane 11:26

Na ukyuli ɔni nli ngba si ɔ́ƒɔ-mi ɔ́di ni, ulekpi kudii. Áƒɔ ɔmɛni ádi?”

Yohane 12:44

Amu na Yesu ɔ́su ku lɛdi momoomo ɔnini, “Ukyuli ɔni mɔɔƒɔ́-mi taadi ni, ɔɔɔdi ami lɛti na ɔ́ƒɔ ɔ́di. Mmomu ɔ́ƒɔ anwu ɔni nátala-mi lɛnɔ ɔ́di.

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 3:18

“Bekyuli bani mɔɔƒɔ́-nwu taadi ni, Katɔti uládu-ma kɔtɔ. Nsu bekyuli bani naaadubo-nwu bɔƒɔ bɔdi ni, Katɔti ɔ́ɔtɛku-ma litemi kukuuku na ɔ́ɔdu-ma kɔtɔ ka bátaƒɔ Katɔti Ubidi unwi pɛ bátadi ɔsu.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Yohane 4:36

Katɔti ɔɔƒɔ edula ɔƒɛne biala kayu kabuni na edula ani na ɔdaku bɔsala teewi linwu lɛni nnye Katɔti kudɔ kemmo ute ngba bɔni nsɔ naaadubo bɔsa kudii ɔsu. Na ɔmɛni ɔsu ni, edula ɔkyane ku edula ɔƒɛne ƒui badubɔkɛ ebiti geen.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 6:50

Nsu adila ani nási katɔ áyu ébo ni, adi adila ani udu na ukyuli biala ɔni madi-nya ni, ulekpi.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.