Yohane 5:20 - Katɔti Ɔku Kedee

²⁰ Ɔsika Ati ɔɔyɔ́ ami Ubidi na ɔɔtina-mi lɛla biala lɛni na ɔɔbla. Na ɔdubɔtina-mi ala ani na lɛbla litulo ɔmɛni na ɔdubo-mii bɔbla kalɛ kadi.

Yohane 5:20 ပူးပေါင်းရင်းမြစ်များ

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Mateo 4:8

Amu na ukisine ɔmmɔ úti Yesu úsienku kɔbi kangyaa kɔdi lili. Mmɔ na ɔ́tina-nwu kayawi agala ku ana bukeye ƒui.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 10:32

Amu na Yesu úye-ma ɔnini, “Lɛ́bla kabla kabuni pii na bina akɔ, na amii alati bɛ́nu na adi kabla kani na Ati úti ɔ́kya-mi enu kemmo ka mbabla. Na ala amɛni akɔ ɔmani lili ɔsu na bɛɛwia ka bibo-mi atabi?”

Yohane 14:12

Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 3:35

Katɔti ɔɔyɔ́ Ubidi na úti lɛla biala ɔ́kya nwuna enu kemmo.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:29

Na bana ƒui badubo bɔta balɛ bana kaƒiɔtɔ kemmo. Na bani nábla lɛbuni ni, badubɔta bebelie ngba. Na bani nábla likpidi ni, badubɔta bebeduo kɔtɔ bɔdu kemmo.

Petro 2 1:17

Na bunye mmɔ uwi ɔni na Katɔti úti ɔbu úte-nwu na ɔ́ya na uukeye ku uwi ɔni na Katɔti ɔmmɔ lɛdi lɛ́si katɔ na nwuna lɛgadi bukeye kemmo lɛnini, “Ɔmɛni ndi mina Ubi ɔni mɔɔƒɔ́-mi anu.”