Yohane 5:2 - Katɔti Ɔku Kedee

² Na ɔma ɔmmɔ kemmo kesii kani nde likpo lɛni baalɔ Baƒonu Kayakun kudɔ ni, lɛba blii lɛdi lɛ́kya mmɔ lɛni baalɔ Betesda na Hebri butemi kemmo. Bábla kɔgbakɛ ɛlɔ báka bamana lɛba lɛmmɔ.

Yohane 5:2 ပူးပေါင်းရင်းမြစ်များ

Nehemia 12:39

Na ka bɔ́si mmɔ ni, bútásia Eƒraim Kayakun ku Kayakun Kakukudi ku Kɔbɛ Kayakun ku Hananel Katutaasia ku Eti Anyɔ Katutaasia na bútédu Baƒonu Kayakun na búdi búnye na kakpakɔ mmɔ na bɔ́wɔlɔ.

Nehemia 3:1

Na ɔkpane unengudi ɔni baalɔ Eliasib ku nwuna bakpane bésie na bátátu kayakun kani baalɔ Baƒonu Kayakun, na bálɛmi-nwu kenye na béti bákya Unwoti enu kemmo. Na bátu katu taasia gyɔlɔɔ eti anyɔ na béti bákya Unwoti enu kemmo. Na bátu bétédu Hananel katu taasia gyɔlɔɔ lɛlɔ.

Nehemia 3:32

Na ɔ́si ɔtɔ ɔtɔdi lɛwoduku likpo útédu baƒonu kayakun ni, sika ugyiedi bakywɛne ku kuye badine náklibi mmɔ.

Yesaia 22:11

Bɛ́bla ntu kaƒɔkɔ aani akpambui bɛ́kya kalɔ kemmo na ɔban awodu ammɔ ntɛ kalɛ na bitaaƒɔ libiɔ lɛkukudi lɛmmɔ ntu teewi, nsu bɛ́yiƒala Katɔti ɔni nábla lɛla lɛmɛni iye anwu ɔni nákya kasusu kammɔ úse ɔ́si kukuuku ƒui.

Yesaia 22:9

Bɛ́nu Yerusalem, Dawid ɔma unengudi ɔmmɔ awodu kalɛ na áƒuaala ábla eƒi eƒi. Ɔmmɔ ɔsu na bɛ́ƒɔ ntu bíwi libiɔ lɛni na kada kakɛ mmɔ kemmo.

Yohane 19:13

Ɔmmɔ ɔsu ka Pilato únu etemila amɛni ni, ɔ́kpanku Yesu ɔ́lɛku na útélie litemi bɔtɛ liboku lɛlɔ kesii kani baalɔ banii Atabi Kasalakɔ. Na Hebri lɛdi kemmo banii Gabata.

Yohane 19:17

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Yohane 19:20

Yudaƒuɔ pii báka ala amɛni, ɔsika kesii kani na bákana Yesu bámana ugyii lɛlɔ mmɔ ude ɔma unengudi ɔmmɔ. Na Pilato únweni ala ammɔ lɛnɔ na Hebri ku Roma ku Griki lɛdi kemmo.

Yohane 20:16

Amu na Yesu ɔ́kpali-nwu ɔnini, “Maria!” Mmɔ ni, Maria únwini ɔ́nu-nwu, na ɔ́su na Hebri lɛdi kemmo ɔnini, “Rabuni!” Na nwuna kalɔ ndi Ala Ɔtinane.

Yohane 5:3

Mmɔ na balɛne pii badi bátaatɛ bani ndi banumbwɛne ku bekpulone ku lɛlɔ kakɛ kenwi bekpine. Na béteenye mmɔ taagya ntu bɔmmɔ bɔkunku bɔdi udu.

Yohane 7:21

Amu na Yesu údie kenye ɔnini, “Lɛla linwi pɛ na lɛ́bla, na ɔ́bla bina ƒui kalɛ kadi.

Batalane Kabla 21:40

Amu na unengu ɔmɛni ɔ́tuna ɔnii Paulo ɔtɛmiku-ma. Na Paulo úbenye kayakun ubili kakɔkɔ mmɔ na ɔ́kɔliku kɔnu katɔ na ɔ́bala bekyuli lisu lɛmɛni. Na ka báda lɛsɛ báya ni, útemi úte-ma na Yudaƒuɔ butemi kemmo ɔnini,

Budie Taatina 16:16

Amu na ayu ekpidi ammɔ ásala baga bammɔ na likpo lɛni baalɔ na Hebri kemmo bani Armagedon.

Budie Taatina 9:11

Bebo ɔga ɔni ndi ɔtu ɔni mɔɔnu kasuudikɔ ubu bonwu ɔmmɔ lɛlɔ. Ɔtu ɔmmɔ lɛnyi na Hebri lɛdi kemmo ndi Abadon. Na Griki lɛdi kemmo ni, nwuna lɛnyi ndi Apolion ɔni kalɔ ndi Ɔkyulane.