Yohane 5:17 - Katɔti Ɔku Kedee

¹⁷ Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Yohane 5:17 ပူးပေါင်းရင်းမြစ်များ

Kɔgya 65:6

Ebo ɔyikun, na ƒula ɔyikun ɔmmɔ lɛlɔ na áya na abi ƒui enye ana kenyekɔ.

Yesaia 40:26

Bɛkɔliku bina anumi katɔ na bɛnu kayaa, na biye lɛlɔ bɛnii ɔma nédie ala ammɔ ƒui? Anwu mɔɔlɛ́ku ayabi keyi unwi unwi na ɔ́sia ɔdi biala lɛnyi. Na ɔkɛnku nwuna ɔyikun bonwu ɔsu ni, lɛyabi lɛdi liláyii nina kenyekɔ.

Mateo 10:29

Baasɛ wɛlɛ wɛlɛ bani na akana eye bana inyɔ ku kaplɛ unwi muedi ni, ɔdi ulekpi na Katɔti kama.

Yohane 10:36

Nsu ami ni, bɔƒuna na Ati ɔ́ƒuna-mi ka libo kayawi kamɛni kemmo. Na bi ɔsu na bɛɛsu bɛni muudumi Katɔti ka lɛ́su nnii ami ndi Katɔti Ubidi ɔsu?

Yohane 14:10

Átaƒɔ átadi ka ami nliku Katɔti, na anwu lɛnɔ uliku-mi? Ala ani ƒui na lɛ́su-mii ni, aaadi ami ɔlati etemila kani na adi. Mmomu adi Katɔti ɔni nliku-mi na ɔɔbla nwuna kabla ɔdi.

Yohane 5:16

Anwuɔsu bése kalɔ ku Yesu bukpoku, ɔsika lɛnwunameyi lɛlɔ na ɔ́bwi-nwu.

Yohane 5:18

Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.

Batalane Kabla 14:17

Nsu úteedie lɛlɔ taatina-bu na nwuna ala abuni bɔbla ani mɔɔtina ka ɔkya sɔsɔ. Na uwi ndi uwi ni, ubo lɛla lɛni muunyimene-bu na nwuna ala abuni lɛlɔ. Uute-bu ɔnantu uwi ndi uwi ku edula abuni ku adila ku ebiti lɛnɔ.”

Batalane Kabla 17:28

Ɔsika aani kalɛ na bina agyangba bediene básu ni, ‘Anwu nli na buli, na bɔdubɔsiaku-nwu na bɔtɛ bɔlɛɛ.’ Na básu lɛnɔ banini, ‘Bɔdi nwuna kaba.’

Korintoƒuɔ 1 12:6

Na kabla lidu lidu lɛnɔ lɛkya, nsu Katɔti unwi ɔmmɔ kani mɔɔtina ɔdi biala nwuna kabla.

Koloseƒuɔ 1:16

Na ɔkɛnku anwu ɔmmɔ lɛlɔ na Katɔti údie ala ani ƒui nkya katɔ ku kalɔ kamɛni kemmo, ala ani na bɔɔnu ku ani na bulánu aani lɛgadi ku bagadine ku bayikune ku kenyekɔ biala ƒui lɛlɔ. Ɔkɛnku ubi ɔmmɔ lɛlɔ na údie ala ƒui, kalɛ na lɛla biala lɛbu Kristo ɔmmɔ.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.