Yohane 4:36 - Katɔti Ɔku Kedee

³⁶ Katɔti ɔɔƒɔ edula ɔƒɛne biala kayu kabuni na edula ani na ɔdaku bɔsala teewi linwu lɛni nnye Katɔti kudɔ kemmo ute ngba bɔni nsɔ naaadubo bɔsa kudii ɔsu. Na ɔmɛni ɔsu ni, edula ɔkyane ku edula ɔƒɛne ƒui badubɔkɛ ebiti geen.

Yohane 4:36 ပူးပေါင်းရင်းမြစ်များ

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Daniel 12:3

Na bani ƒui náda anu na bana ngba bulie kemmo ni, badubukeye kede kede aani kayaa kani bɔɔnu. Na bani lɛnɔ na bátɔnku bekyuli na bábla Katɔti lɛyɔla ni, badubukeye aani ayabi.

Mateo 19:29

Na ukyuli biala ɔni néni nwuna kaduli iye banwani bananabi iye banwani belekubi iye uni iye bebi iye mmo ka ɔsiaku-mi ɔsu ni, ɔdubɔkɛ-nya akpa eti anyɔ utulo. Na Katɔti ɔdubute-nwu ngba bɔni nsɔ naaadubo bɔsa kudii.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Korintoƒuɔ 1 9:18

Na bi kayu baaƒɔ-mi? Lɛyuƒɔla lɛni na mbo ndi ka lɛkɔ litemi buni lɛmmɔ lɛsa ku kaƒɔ ƒaa. Na lɛɛɛdubo mina kadikɔ ƒui kama bɔsia na litemi buni lɛni mɔɔsu mɛni kemmo.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Timoteo 1 4:16

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.