Yohane 4:3 - Katɔti Ɔku Kedee

³ Ka Yesu ɔ́ti ka Ƒarisiƒuɔ bénu ɔmɛni ni, ɔ́tɔlɔ Yudea kalɔ lɛlɔ únwini úsie Galilea.

Yohane 4:3 ပူးပေါင်းရင်းမြစ်များ

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Marko 3:7

Amu na Yesu ku nwuna batɛyane bésie Galilea Ɛpu kudɔ. Na bekyuli lisu pim bani nási Galilea ku Yudea ku Yerusalem ku Idumea ku bani nási Yordan Ketu ɔvi ku bani nási Tiro ku Sidon lɛnɔ básiaku-ma. Ɔsika nwuna akɔla bɔbla búusie ɔgyu kakaaka ƒui, na bekyuli pii baayɔ́ ka beti anumi babanu-nwu.

Luka 17:11

Amu ka Yesu ɔkɛ úsela Yerusalem ni, ɔ́vi Samaria ku Galilea ɔmii lɛlɔ.

Yohane 1:43

Kadi kégye ni, Yesu ɔ́bla kasusu ka uteesie kalɔ kani baalɔ banii Galilea. Na ka ɔkɛ ulu ni, ɔ́nu ukyuli ɔni baalɔ Ƒilipo, na ɔ́su-nwu ɔnini, “Bo, na abasiaku-mi.”

Yohane 10:40

Ka Yesu ɔ́tɔlɔ-ma kudɔ ni, ɔ́sɔ ɔ́via Yordan Ketu na úsie útélie kesii kani na Yohane ɔ́kya útaakpila bekyuli ntu dii.

Yohane 11:54

Ɔmɛni ɔsu ni, Yesu ɔsɔ ulavi ɔgbami na Yudaƒuɔ akɔ. Mmomu ɔ́tɔlɔ úsie utélie ɔma blii ɔdi nde ketele na baalɔ-nwu banii Eƒraim. Na anwu ku nwuna batɛyane bákya mmɔ.

Yohane 2:11

Lɛla lɛni nálɛ na Kana na Galilea mɛni ni, ani ndi akɔla budie taatina edeedi ani na Yesu ɔ́bla. Na ka údie nwuna ɔyikun ɔ́tina lɛni ni, nwuna batɛyane báƒɔ-nwu bádi.

Yohane 3:22

Ɔmɛni kama ni, Yesu ku nwuna batɛyane bátɔlɔ Yerusalem bésie likpo bamba na Yudea kalɛkɛ lɛlɔ bátákya emeyi alɛɛ adi. Na bákya mmɔ bátaabla ketu kemmo ntu bɔkpila ɔdi teete bekyuli.

Yohane 3:32

Na anwu muudie ala ani na ɔ́nu ku ani na únu mmɔ kalɔ. Nsu ɛlɛɛ kani mɔɔƒɔ́-nwu taadi.

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.