Yohane 4:29 - Katɔti Ɔku Kedee

²⁹ “Bibo na bibanu ukyuli ɔni násu-mi ala ani ƒui na lɛ́bla na ngba kemmo! Ɔdubɔkana na wadi Katɔti Ukyuli Ɔƒunadi ɔmmɔ?”

Yohane 4:29 ပူးပေါင်းရင်းမြစ်များ

Mateo 12:23

Ɔmɛni ɔ́bla bekyuli bammɔ kalɛ kadi. Na béye banii, “Ɔga Dawid Uwɔ Ɔƒunadi ɔmmɔ na ɔdi mɛni?”

Yohane 4:25

Amu na uleku ɔmmɔ ɔ́su Yesu ɔnini, “Ngyi ka Ukyuli Ɔƒunadi ɔni baalɔ Kristo ɔdubo. Na si úbo ni, ɔdubo lɛla biala kalɔ budie bute-bu.”

Yohane 4:28

Uwi ɔmɛni ni, uleku ɔmmɔ ɔ́da nwuna ketubui úse libiɔ lɛmmɔ kɔtu na únwini úsie ɔma kemmo na útásu ukyuli biala ɔnini,

Yohane 4:30

Anwuɔsu bekyuli bammɔ bási ɔma ɔmmɔ kemmo bésie banii batánu-nwu.

Yohane 4:39

Uwi ɔni na Samariaƒuɔ bénu ka uleku ɔmmɔ ɔ́su ɔnii, “Yesu ɔ́su-mi lɛla lɛni na lɛ́bla na mina ngba kemmo” ni, bana akɔ pii bése kalɔ baaƒɔ́ Yesu taadi.

Yohane 7:26

Na aanu-nwu! Unye mɛni ɔɔtɛmi na kadi anumi! Na balakana-nwu lɛla lɛdi bɔsu! Munuu bɔti na báti geen ka anwu ndi Ukyuli Ɔƒunadi ɔmmɔ?

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Samuel 1 9:19

Amu na Samuel údie kenye ɔnini, “Ami na ɔdi mɛni. Ɔmmɔ ɔsu tɔ na akɔ eteesie kɔbi lili kesii kani na baabla akpala mmɔ. Na ɔmwi ni, ami ku-ɔ bɔdubo bɔdi. Na si kadi kégye ɔtanta kɔnaadi ni, ndubɔsu-ɔ lɛla lɛni na adanku ɔ́si ƒula kayi kemmo asa na asɔ enwini eteesie ɔma.