Yohane 4:23 - Katɔti Ɔku Kedee

²³ Nsu uwi ɔdubo na úudu lɛnɔ ɔni na bekyuli bani nsiaku Katɔti na ulu geen lɛlɔ ni, badubɔkɔliku-nwu lɛnyi katɔ ku Katɔti Kɔyu ɔyikun na litemi geen kemmo. Ɔsika ama ndi basiakune bani na Katɔti ɔɔwia.

Yohane 4:23 ပူးပေါင်းရင်းမြစ်များ

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Kɔgya 147:11

Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.

Kɔgya 17:1

Unwoti, nu-mi buvele na atɛ mina litemi siin. Nu-mi keku kani na muuwulo taakpali-ɔ, ɔsika ɔkɔ etemila eeebo-mi kenye kemmo.

Kɔgya 32:2

Na lɛlɔ lɛdubɔyɔ ukyuli ɔni ekpidi na Blɔti ulábu teese-nwu na ɔkɔ ala bɔbla bɔdi buuubo-nwu lɛlɔ kemmo.

Kɔgya 51:6

Nsu geen ni, aawia ka lɛsiaku litemi geen lɛmmɔ kama uwi biala. Anwuɔsu ti ƒula lɛnunda lɛni kemmo nágyu mmɔ te-mi.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Lɛnu Ƒui Ɔnu 2:14

Ese ete-mi aani mina lɛmangbɛ lɛni nábɛla lɛlɔ ɔkya atabi ubu kemmo na lɛtakpɛ bonwu lɛni nƒa kemmo. Nwini na aya na lɛsɔ lɛnu ƒula bɔdia! Na aya na linu ƒula lɛdi mini mini lɛmmɔ.

Yesaia 10:20

Na uwi ɔmmɔ ni, Israelƒuɔ ɛlɛɛ bani mebu na badi Yakob kaba kemmo bebi ni, basɔ beleti bana anu balasia bekyuli bani nékpo-ma na bádi-ma lɛlɔ banii ama ndubo-ma bubunku. Mmomu Unwoti Israel Katɔti Kedee na badubuti bana kayi ƒui basia.

Yesaia 29:13

Unwoti ɔ́su ɔnini, “Bekyuli bamɛni bada bana kenye kani baabu-mi, nsu balayɔ-mi na bana kayi kemmo. Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Yeremia 3:10

Na ɔni násɔ úbie útulo ƒui ndi ɔni na Yuda ɔ́nyi ɔkɔ ɔ́bla lɛlɔ aani si bunwini na ɔ́sɔ únwini úbo-mi kudɔ.

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Esekiel 22:30

“Lɛ́sia anu nnii makɛ ukyuli ɔni medie ɔma unengudi ɔmɛni na ɔgyumana-nwu kalɛ na naaakyula-nwu na mina kɔnyi ɔsu. Nsu ńtakɛ ukyuli ɔdi.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 16:32

Uwi ɔdubo, na úudu lɛnɔ ɔni na bɛdubo bugyingya bɛtɔlɔ-mi kudɔ, na ɔdi biala uteesie nwuna kaduli na bɛda ami lɛti binyene. Nsu geen ni, ɔɔɔdi ami lɛti nnye. Ɔsika mina Ɔti unye-mi kudɔ.

Yohane 4:21

Yesu údie kenye ɔnini, “Uleku, ƒɔ-mi litemi lɛni mɔɔsu-ɔ mɛni di ka ni, uwi ɔdubo ɔni na ɔɔɔdi kɔbi kɔmɛni lɛlɔ iye Yerusalem na ɔlɛka bɛkpa Katɔti.

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:28

“Ɔmɛni utabla-mii kalɛ kadi. Ɔsika uwi ɔdubo ɔni na bekyuli bani nékpi ƒui badubunu-mi lɛdi.

Romaƒuɔ 1:9

Katɔti ɔni kabla na mɔɔbla ku mina kayi ƒui na litemi buni lɛni lɛsa mɔɔkɔ́ ɔkɛnku ubidi lɛlɔ ni, ani ndubudie-mi kenye ɔ́si kalɛ na naaayiƒala-mii uwi biala kemmo si mɔɔkpali katɔ.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Romaƒuɔ 8:26

Na ulu ɔmɛni lɛlɔ na Katɔti Kɔyu kuute-bu kebunku, ɔsika buse kpɛtɛ kpɛtɛ, na bɔɔɔgyi kalɛ bɔkpali Katɔti bɔvinku. Nsu nwuna Kɔyu kɔmmɔ ɔlati kuuvele na kuudumo teete-bu kalɛ udu na abu bulaka budie bɔtina.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Samuel 1 12:24

Nsu bɛsia anu na bitaayia Unwoti, na bɛsiaku-nwu kama siin, na bitaadi nwuna litemi lɛlɔ ku bina kayi ƒui. Na biteenyimo ala ebendi ani na ɔ́ɔbla úte-mi.