Yohane 4:21 - Katɔti Ɔku Kedee

²¹ Yesu údie kenye ɔnini, “Uleku, ƒɔ-mi litemi lɛni mɔɔsu-ɔ mɛni di ka ni, uwi ɔdubo ɔni na ɔɔɔdi kɔbi kɔmɛni lɛlɔ iye Yerusalem na ɔlɛka bɛkpa Katɔti.

Yohane 4:21 ပူးပေါင်းရင်းမြစ်များ

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Esekiel 14:3

“Esekiel, ɔyawine ubi, bekyuli bamɛni béese kalɔ baakpá baƒiɔ ina ka bagyi nwaa ka ɔmmɔ adubɔya na beduo ekpidi pii bamba bɔbla kemmo. Anwuɔsu líni nnii lɛɛɛdubo-ma kenye kadi bɔkya!

Esekiel 20:3

“Esekiel, ɔyawine ubi, batɔnkune bamɛni bébo banii bebenu si mbo lɛla lɛdi na masu-ma, nsu ɔni na nli uwi ƒui mɛni ni, lɛɛɛdubo-ma kenye biala udu budie bute.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Yohane 16:32

Uwi ɔdubo, na úudu lɛnɔ ɔni na bɛdubo bugyingya bɛtɔlɔ-mi kudɔ, na ɔdi biala uteesie nwuna kaduli na bɛda ami lɛti binyene. Nsu geen ni, ɔɔɔdi ami lɛti nnye. Ɔsika mina Ɔti unye-mi kudɔ.

Yohane 4:23

Nsu uwi ɔdubo na úudu lɛnɔ ɔni na bekyuli bani nsiaku Katɔti na ulu geen lɛlɔ ni, badubɔkɔliku-nwu lɛnyi katɔ ku Katɔti Kɔyu ɔyikun na litemi geen kemmo. Ɔsika ama ndi basiakune bani na Katɔti ɔɔwia.

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:28

“Ɔmɛni utabla-mii kalɛ kadi. Ɔsika uwi ɔdubo ɔni na bekyuli bani nékpi ƒui badubunu-mi lɛdi.

Batalane Kabla 6:14

Na búnu ka ɔ́su lɛnɔ ɔnii ukyuli ɔni nási Nasaret na baalɔ-nwu banii Yesu mmɔ ni, ɔdubɔƒɛ Katɔti ɔtɔ ɔmɛni na wavumana Mose ɔda bubo bɔni na úte-bu.”

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 3:14

Ɔmɛni ɔsu mɔɔlɛ akɔnkɔ teevele Katɔti.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Budie Taatina 21:22

Na ńtanu kakpakɔ kadi na ɔma ɔmmɔ kemmo, ɔsika Unwoti Katɔti ɔni ndi Ɔyikune Ƒui ku Koƒonu Ubi ɔmmɔ alati ndi ɔma ɔmmɔ kakpakɔ.