Yohane 4:14 - Katɔti Ɔku Kedee

¹⁴ Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 4:14 ပူးပေါင်းရင်းမြစ်များ

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Yesaia 58:11

Unwoti ɔdubɔtɔnku-mii na ute-mii ala ani ƒui námanku-mii na kalɔ kakwiidi kammɔ kemmo na ute-mii ɔlɔkplu. Na bɛdubɔbla aani kevoma kemo kani edula mɔɔkɛ́ ntu uwi biala iye ketu kani ntu naaakwii uwi ɔdi.

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Esekiel 47:9

Na kesi kesii na ntu bɔmɛni bɔ́gba bɔkɛ ni, ketu kemmo lɛna ku kɔbɛ lidu lidu badubo mmɔ bɔkya. Ɔsika ɔdubo ngba ku ntu bɔbuni bɔni mɔɔdia bɔni buti buboku Ɛpugyie kemmo.

Lewiƒuɔ Ɔda Bubo 11:36

Nsu libiɔ iye lɛba lɛni kemmo na beedú ntu bɔnidi asa na ebuo ɔmmɔ úkpi ɔ́kya-nwu kemmo ni, ntu bɔmmɔ amu buse sɛɛn. Nsu ukyuli biala metuku nwuna ukpine ɔdubuse lɛlɔ.

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Yohane 10:10

Buyu kani na uyune uubo teebeyu na ɔdu bebuo na ubile ala lɛnɔ. Na ami ni, líbo kalɛ na lɛya na bekyuli belie ngba geen na bakɛ bɔnwuna ƒui.

Yohane 11:26

Na ukyuli ɔni nli ngba si ɔ́ƒɔ-mi ɔ́di ni, ulekpi kudii. Áƒɔ ɔmɛni ádi?”

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 4:11

Uleku ɔmmɔ úye-nwu ɔnini, “Ɔbune, na ka eeebo lɛla lɛni na eti edu-mu edie na libiɔ lɛmɛni lɛnɔ lɛ́gyu ni, wɛ na adubo ntu bɔni mɔɔgbá na buute ngba mmɔ bɔkɛ?

Yohane 4:13

Amu na Yesu údie kenye ɔnini, “Si bekyuli báni ntu bɔmɛni ni, utukwɛ ɔɔsɔ taada-ma.

Yohane 4:36

Katɔti ɔɔƒɔ edula ɔƒɛne biala kayu kabuni na edula ani na ɔdaku bɔsala teewi linwu lɛni nnye Katɔti kudɔ kemmo ute ngba bɔni nsɔ naaadubo bɔsa kudii ɔsu. Na ɔmɛni ɔsu ni, edula ɔkyane ku edula ɔƒɛne ƒui badubɔkɛ ebiti geen.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Yohane 6:58

Anwuɔsu ɔmɛni ndi adila ani nási katɔ áyu ébo. Na aaadi ani udu na bina bati kuuku bádi nsu békpi. Ukyuli ɔni madi adila ani mɔɔsu mɛni ni, ɔdubulie ngba uwi ƒui.”

Yohane 7:37

Na limeyi likplodi lɛlɔ na emeyi ammɔ bɔdi kemmo ɔni ndi limeyi linengudi ni, Yesu ɔ́ta únye na ɔ́su ku lɛdi momoomo ɔnini, “Si utukwɛ ɔɔda ukyuli ɔdi ni, ukyuli ɔmmɔ ɔtɔlɔ ubo-mi kudɔ na ubani ntu.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.

Budie Taatina 7:17

Ɔsika Koƒonu Ubi ɔni nlie lɛgaboku lɛlɔ na mmɔ ni, anwu ndubɔda-ma aani baƒonu ɔdane buni. Na ɔdubo-ma bɔtɔnku busienku abiɔ ani kemmo na ntu bɔni muute ngba buwi uwi biala. Na Katɔti lɛnɔ ɔdubo-ma imii buni.”